وزیر خارجہ شاہ محمود قریشی کل چین کے اہم دورے پر روانہ ہورہے ہیں جہاں وہ چینی حکام سے اہم ملاقاتیں کریں گے۔
اے آر وائی نیوز کے مطابق وزیر خارجہ شاہ محمود قریشی کل چین کے اہم دورے پر روانہ ہورہے ہیں جہاں وہ چینی حکام سے اہم ملاقاتیں کرینگے۔
ذرائع نے بتایا ہے کہ وزیر خارجہ شاہ محمود قریشی چین کے بعد روس کا بھی دورہ کریں گے اور وہاں بھی ان کی اہم ملاقاتیں طے ہیں۔
موجودہ ملکی سیاسی تناظر میں وزیر خارجہ کے پڑوسی اور خطے کے دو اہم ممالک کے دوروں کو خاصی اہمیت حاصل ہوگئی ہے۔
ذرائع کا کہنا ہے کہ پاکستان کے اس وقت جو معاملات ہیں ریجن اور بین الاقوامی سطح پر جو تبدیلیاں آرہی ہیں تو پاکستان چین کو جو کہ اس کا اہم ترین دوست ہے سے ان معاملات پر تبادلہ خیال کیا جائیگا جب کہ اس کے بعد وزیر خارجہ روس بھی جائیں جہاں خطے اور دنیا میں ہونیوالی سیاسی پیش رفت پر گفتگو ہوگی۔
ذرائع نے یہ بھی بتایا کہ جب گزشتہ ماہ پاکستان نے روس کا اہم دورہ کیا تھا تو اس دورے کے موقع پر بھی چند ممالک نے پاکستان سے کہا تھا کہ روس کا دورہ نہ کیا جائے۔
