The news is by your side.

Advertisement

بی جے پی کی انتخابات میں پاکستان مخالف تقاریر مسترد کرتے ہیں، ترجمان دفتر خارجہ

اسلام آباد : ترجمان دفتر خارجہ نے کہا ہے کہ بھارتی ریاستوں ہریانہ اور مہاراشٹر کی انتخابی ریلیوں میں بی جے پی کا پاکستان مخالف پروپیگنڈہ جاری ہے، پاکستان پر دہشت گردی کے الزامات لگائے جارہے ہیں جسے سختی سے مسترد کرتے ہیں۔

تفصیلات کے مطابق پاکستان نے بی جے پی کے انتخابی جلسوں اور ریلیوں میں پاکستان مخالف تقاریر مسترد کردیں۔

اس حوالے سے ترجمان دفتر خارجہ ڈاکٹر محمد فیصل نے کہا ہے کہ ہریانہ اور مہاراشٹر میں بی جے پی کی انتخابی مہم میں پاکستان مخالف پروپیگنڈہ جاری ہے اور بے بنیاد الزامات عائد کیے جارہے ہیں۔

انہوں نے کہا کہ حالیہ دنوں میں انتخابی ریلیوں میں پاکستان کا بار بار نام لیا جارہا ہے، بیانات میں پاکستان پر دہشت گردی کے الزامات لگائے جارہے ہیں اور پاکستان کا پانی روکنے کی دھمکیاں دی جارہی ہیں۔

ترجمان دفترخارجہ کا مزید کہنا ہے کہ پاکستان کی جانب سے کرتار پور راہداری کھولنے کے تاریخی فیصلے کا کریڈٹ بھی خود لینے کی کوشش کی جارہی ہے، پاکستان اس قسم کے الزامات، دھمکیوں اور تاریخی حقائق مسخ کرنے کو سختی سے مسترد کرتا ہے۔

ڈاکٹرمحمد فیصل نے کہا کہ سوال اٹھایا جارہا ہے کہ کیا بی جے پی کے پاس پاکستان دشمنی کے علاوہ بھی کچھ ہے؟ محض سیاسی فوائد کیلئے پاکستان کا نام استعمال کرنے کا سلسلہ ختم ہونا چاہیے۔

Comments

comments

یہ بھی پڑھیں