اسلام آباد : ترجمان دفترخارجہ عاصم افتخار کا کہنا ہے کہ سچائی کے لئے ضروری ہے کہ ارشد شریف کے قتل کی تحقیقات ہوں۔
تفصیلات کے مطابق ترجمان دفترخارجہ عاصم افتخار نے صحافی ارشد شریف کے انتقال پر دکھ اور افسوس کا اظہار کرتے ہوئے کہا پاکستان ارشد شریف کے قتل کی تحقیقات کیلئے کینیا کے ساتھ رابطے میں ہے۔
عاصم افتخار کا کہنا تھا کہ پاکستانی انکوائری کمیٹی کینیا کے دورے پر ہے، پاکستانی ہائی کمیشن انکوائری کمیٹی کیساتھ مکمل تعاون اور سکونت فراہم کررہی ہے۔
ترجمان نے روز دیا کہ سچائی کے لئے ضروری ہے کہ ارشد شریف کے قتل کی تحقیقات ہوں ، ہمیں کینیا اور پاکستانی انکوائری کمیٹیوں کی رپورٹ کا انتظار کرنا چاہئے۔
ان نے مزید کہا کہ پاکستان نے ارشد شریف کو یو اے ای سے نکالنے کیلئے کوئی خط نہیں لکھا ، وزیر خارجہ کے دستخط سے اس قسم کا کوئی خط جاری نہیں ہوا، ایسی اطلاعات بے بنیاد اور من گھڑت ہیں۔
