دو ممالک کے درمیان تیسرے ملک کو بیان میں شامل کرنا سفارتی آداب کے خلاف ہے: دفتر خارجہ -
The news is by your side.

Advertisement

دو ممالک کے درمیان تیسرے ملک کو بیان میں شامل کرنا سفارتی آداب کے خلاف ہے: دفتر خارجہ

اسلام آباد: ترجمان دفتر خارجہ ڈاکٹر فیصل کا کہنا ہے کہ پاکستان اور بھارت کے درمیان ٹریک ٹو روابط جاری ہیں، پاکستان امریکا اور بھارت کے درمیان بات چیت کو مسترد کرتا ہے۔ سفارتی آداب کے خلاف ہے 2 ممالک تیسرے ملک کو بیان میں شامل کریں۔

تفصیلات کے مطابق ترجمان دفتر خارجہ ڈاکٹر محمد فیصل نے ہفتہ وار بریفنگ میں کہا کہ کشمیر میں بھارتی بربریت کی شدید مذمت کرتے ہیں۔ بھارتی اشتعال انگیزی پر قائم مقام ڈپٹی ہائی کمشنر کو احتجاج ریکارڈ کروایا ہے۔

انہوں نے کہا کہ رواں سال بھارت نے 2050 بار سے زائد سیز فائر کی خلاف ورزی کی۔

ترجمان نے کہا کہ صرف ایک ہفتے میں مقبوضہ کشمیر میں بھارتی فوج نے 14 کشمیریوں کو شہید کیا، کشمیریوں کو پلوامہ، بانڈی پور، کپواڑہ اور اسلام آباد میں شہید کیا گیا۔

انہوں نے مزید کہا کہ حریت رہنماؤں اور کارکن بدنام تہاڑ جیل میں حراست میں رکھے گئے۔

خیال رہے کہ آج صبح مطابق مقبوضہ کشمیر کے علاقے سو پور میں بھارتی فورسز کی فائرنگ سے 2 کشمیری شہید ہوگئے۔

کشمیری میڈیا کے مطابق کشمیری نوجوانوں کو نام نہاد سرچ آپریشن کے دوران نشانہ بنایا گیا، علاقے کی ناکہ بندی، انٹرنیٹ اور موبائل سروس بند کر دی گئی ہے۔

ترجمان نے کہا کہ بھارت کی جانب سے 10 ستمبر کو خنجر سیکٹر میں بھارت کی جانب سے خلاف ورزی کی گئی، خلاف ورزی پر جھومر گاؤں کا نوجوان گفتار حسین شہید ہوا۔

دفتر خارجہ کا مزید کہنا تھا کہ چین ایران اور جاپان کے وزرائے خارجہ نے پاکستان کا دورہ کیا۔ برطانیہ میں پاکستانی ہائی کمشنر کی میزبانی کا وزیر خارجہ نے نوٹس لیا ہے، پاکستانی ہائی کمیشن کو طلب کیا گیا ہے اور تحریری وضاحت مانگی گئی ہے۔

ڈاکٹر فیصل نے کہا کہ پاکستان اور بھارت کے درمیان ٹریک ٹو روابط جاری ہیں، پاکستان امریکا اور بھارت کے درمیان بات چیت کو مسترد کرتا ہے۔ سفارتی آداب کے خلاف ہے 2 ممالک تیسرے ملک کو بیان میں شامل کریں۔

انہوں نے کہا کہ ہم بھارت سے بات چیت کے خلاف نہیں اور عالمی فورمز پر بھی بتایا ہے۔

ترجمان نے کہا کہ سابق خاتون اول بیگم کلثوم نواز کی وفات افسوسناک ہے، وزیر خارجہ نے پاکستانی ہائی کمیشن کو میت کی واپسی سے متعلق ہدایات کیں۔

انہں نے بتایا کہ ترک وزیر خارجہ کل اسلام آباد آئیں گے اور مذاکرات ہوں گے، وزیر اعظم کچھ دن میں سعودی عرب جائیں گے تاریخ کا اعلان بعد میں ہوگا۔ چین کے ساتھ ہمارے تعلقات کو کوئی نقصان نہیں پہنچا۔

Comments

comments

یہ بھی پڑھیں