تازہ ترین

جاندران کے پہاڑی جنگلات میں 15 کلومیٹر رقبے پر پھیلی آگ پر قابو پالیا گیا

کوئٹہ: وزیراعلیٰ بلوچستان میر سرفراز بگٹی نے کہا ہے کہ جاندران کے پہاڑی جنگلات میں لگنے والی آگ پر قابو پالیا گیا ہے۔

تفصیلات کے مطابق وزیراعلیٰ میر سرفراز بگٹی نے بتایا کہ 10 سے 15 کلومیٹر کے رقبے پر پھیلی آگ 6 گھنٹے بعد بجھا دی گئی۔ لیویز فورس کے جوانوں نے پُرخطر پہاڑی علاقے میں کامیابی سے کارروائی مکمل کی۔

کامیابی سے آگ بجھانے پر سرفراز بگٹی کی جانب سے کوہلو انتظامیہ اور لیویز فورس کے جوانوں کو شاباش دی گئی۔

وزیراعلیٰ بلوچستان نے افسران اور لیویز اہلکاروں کے لیے حسن کارکردگی سرٹیفکیٹ کا بھی اعلان کیا ہے۔

Comments

- Advertisement -