The news is by your side.

Advertisement

سابق چیئرمین پی سی بی توقیر ضیاء کے تہلکہ خیز انکشافات

اسلام آباد : سابق چیئرمین پی سی بی اور کورکمانڈر لیفٹیننٹ جنرل (ر)توقیرضیاء نےتہلکہ خیز انکشافات کرتے ہوئے کہا ایم کیوایم کے کراچی کو جناح پور بنانے کے نقشے کی رپورٹ نواز شریف نے مسترد کی۔

تفصیلات کے مطابق سابق چیئرمین پی سی بی اور کورکمانڈر لیفٹیننٹ جنرل (ر)توقیرضیا نے اے آر وائی نیوز کو تہلکہ خیز انٹرویو میں کہا کہ انٹیلی جنس نے ایم کیوایم کے کراچی کو جناح پور بنانے کے نقشےکی رپورٹ دی تو نوازشریف نےرپورٹ مسترد کی کہا کیوں ایک گروپ سے لڑائی کریں۔

لیفٹیننٹ جنرل (ر) توقیرضیا کا کہنا تھا کہ نوازشریف نےجنرل آصف نواز کو مری میں مہنگی ترین کار کی آفرکی، جس پر جنرل آصف نےانکارکیا اور کہاکہ یہ کس قسم کے لوگ ہیں۔

کورکمانڈر نے کہا کہ مشرف نے چیئرمین پی سی بی بننے کا کہا، میں نے کہا بڑی کور کے ساتھ کیسے کروں گا، کرکٹ بورڈچارج لیا تو میچ فکسنگ اسکینڈل میری گودمیں آگرا ، جسٹس قیوم نے بھی کہا اورمیں بھی سمجھتا ہوں کچھ کھلاڑیوں کو بچایا گیا۔

سابق چیئرمین پی سی بی نے بتایا کہ ہوسکتا ہے زیادتی ہوئی ہو کیونکہ صرف سلیم ملک اورعطا الرحمان پرپابندی لگی، مشرف کورپورٹ دکھائی توانہوں نے کہا انکا متبادل نہیں صرف شک پرنہ نکالنا، وسیم اکرم ،جاویدمیاندادجیسےکرکٹر پاکستان میں پیدا نہیں ہوئے۔

انھوں نے مزید کہا کہ میری غلطی سمجھو یا بی بی کا اصرار کہ کچھ عرصےکےلیےپیپلزپارٹی جوائن کی، بی بی سمجھتی تھیں جنرل کیانی ،طارق مجید میرے ماتحت رہے ہیں اس لیے اصرارکیا، میرےذریعے محترمہ فوج کو کنٹرول کرنا چاہتی تھیں۔

سانحہ لیاقت باغ سے متعلق سوال پرتوقیرضیا کا کہنا تھا کہ 27 دسمبرکوبی بی نے رحمان ملک کو کہہ کر مجھے دوسری گاڑی میں بٹھایا، فرحت اللہ بابر، رحمان ملک اوربابراعوان بھی اسی گاڑی میں تھے، یہ توپتہ نہیں کس نے مارا مگر یہ بات درست نہیں کہ ہماری گاڑی غائب ہوگئی۔

انھوں نے مزید بتایا کہ ہماری گاڑی پیچھےنہیں آگےتھی اوردھماکا ہوا تومیں نےکہا گاڑی روکو، ہمارےآگےپولیس وین تھی جوایسےبھاگی جیسے گدھے کے سر سے سینگ، میں نے کہا دھماکا دور نہیں ہوا، کچھ دیر رکیں پھرہمیں کہاگیا بی بی محفوظ ہے۔

توقیرضیا کا کہنا تھا کہ زرداری ہاؤس پہنچے تو فرحت اللہ بابر نے بتایا بی بی زخمی ،اسپتال لے گئے ہیں، ہماری بلٹ پروف کارغائب ہوگئی، ہم نجی کار پر اسپتال پہنچے جہاں بی بی وفات پاچکی تھیں۔

Comments

یہ بھی پڑھیں