سری لنکا کے سابق فاسٹ بولر نوان ذویسا کو میچ فکسنگ کا مرتکب قرار دے دیا گیا۔
جینٹل مین گیم کو کرپشن سے داغدار کرنے والے سابق انٹرنیشنل کھلاڑی کو جرم ثابت ہونے پر پابندی، جرمانے اور سزا کا سامنا کرنا ہوگا۔
کرکٹ کے عالمی نگراں ادارے انٹرنیشنل کرکٹ کونسل کے مطابق سری لنکا کے آزاد انسداد بدعنوانی ٹریبونل نے نوان ذویسا کو میچ فکسنگ کا مرتکب قرار دے دیا ہے۔
42 سالہ بولر کو فکسنگ اسکینڈل سامنے آنے پر 2018 میں معطل کر کے آئی سی سی اینٹی کرپشن کوڈ کی تین شقوں کی خلاف ورزی پر چارج کیا گیا تھا۔
JUST IN: Former Sri Lanka player and coach Nuwan Zoysa has been found guilty of three offences under the ICC Anti-Corruption Code.
Details 👇
— ICC (@ICC) November 19, 2020
آئی سی سی کا کہنا ہے کہ بولر کو ٹرینبول سے قبل اپنی صفائی پیش کرنے کا مکمل حق دیا گیا جس کے بعد آزاد ٹریبونل نے کھلاڑی کو تمام الزامات میں مجرم قرار دیا ہے۔
رپورٹ سامنے کے بعد بولر کے تمام کرکٹ سرگرمیوں میں حصہ لینے پر پابندی رہے گی اور آئی سی سی معطلی بھی برقرار رہے گی۔
واضح رہے کہ بائیں ہاتھ کے فاسٹ بولر نے 1997 سے 2007 تک کے دس سالہ انٹرنیشنل کیریئر میں 30 ٹیسٹ اور 95 ون ڈے میچز میں سری لنکا کی نمائندگی کی تھی۔