The news is by your side.

Advertisement

سابق وزیر اعظم یوسف رضا گیلانی کی طبیعت ناساز، اسپتال منتقل

لاہور : سابق وزیراعظم یوسف رضا گیلانی کو طبیعت ناساز ہونے کے باعث ڈی ایچ اے اسپتال منتقل کردیا گیا ہے.

تفصیلات کے مطابق سابق وزیراعظم یوسف رضا گیلانی کو اچانک طبیعت خراب ہونے کی وجہ سے اسپتال منتقل کیا گیا ہے، وہ لاہور میں پاکستان عوامی تحریک کے جلسے میں نقاہت کے باعث گر پڑے تھے.

ذرائع کے مطابق یوسف رضا گیلانی فوڈ پوائزننگ اور بلڈ پریشرمیں کمی کے باعث گر پڑے تھے جس کی وجہ سے اُن کی آنکھ کے قریب چوٹ آئی تھی جس پر انہیں فوری اسپتال منتقل کیا گیا.

اسپتال انتظامیہ کا کہنا تھا کہ سابق وزیراعظم کو گرنے کے باعث آنکھ کے قریب چوٹ لگنے کی وجہ سے اسپتال لایا گیا تھا جہاں اُن کا بلڈ پریشر کم تھا جسے نارمل کرنے کی کوشش کی جا رہی ہے.

یوسف رضا گیلانی کو طبی امداد دینے والے ڈاکٹرز کی ٹیم کا کہنا تھا کہ فوڈ پوائزنگ کی وجہ سے اُن کا بلڈ پریشر کم ہو گیا تھا جس کے باعث انہیں نقاہت پوئی اور چکر آنے کے باعث وہ گر گئے.

اسپتال انتظامیہ کا کہنا تھا کہ سابق وزیراعظم یوسف رضا گیلانی کے خون نمونے لیے گئے ہیں جن کی رپورٹ آنے کا انتظار ہے ، تمام رپورٹ درست آنے کی صورت میں انہیں گھر جانے کی اجازت دے جائے گی.

Comments

comments

یہ بھی پڑھیں