ہفتہ, فروری 8, 2025
اشتہار

سابق صوبائی وزیر نے بھی تحریک انصاف کو خیر باد کہہ دیا

اشتہار

حیرت انگیز

پشاور : چیئرمین پی ٹی آئی عمران خان کی گرفتاری کے بعد ہونے والے مظاہروں کے بعد تحریک انصاف کے رہنماؤں کی جانب سے احتجاجاً پارٹی چھوڑنے کا سلسلہ جاری ہے۔

اب تک کئی ارکان قومی و صوبائی اسمبلی سمیت دیگر رہنما پارٹی اور سیاست چھوڑنے کا اعلان کرچکے ہیں، اور اب ایک اور رہنما نے بھی تحریک انصاف کو خیر باد کہہ دیا ہے۔

تفصیلات کے مطابق خیبرپختونخوا سے تعلق رکھنے والے سابق صوبائی وزیر اقبال وزیر نے بھی پی ٹی آئی سے اپنی راہیں جدا کرتے ہوئے علیحدگی کا اعلان کردیا۔

پشاور پریس کلب میں پریس کانفرنس کرتے ہوئے سابق صوبائی وزیر اقبال وزیر نے کہا کہ
9مئی کے دلخراش واقعے پر انتہائی دکھ اور افسوس ہوا۔

ان کا کہنا تھا کہ ملک پاکستان سے وفاداری سیاست سے بالاتر ہے، کسی ایسی پارٹی کا حصہ نہیں رہ سکتا جو ملک کی سلامتی کے ادارے سے متصادم ہو۔

اقبال وزیر نے واضح الفاظ میں اس بات کو دہرایا کہ میں کسی بھی قسم کے دباؤ کے بغیر پی ٹی آئی چھوڑنے کا باقاعدہ اعلان کرتا ہوں۔

یاد رہے کہ اس سے قبل ڈاکٹر عمران شاہ، مولوی محمود، سنجے گنگوانی، کریم بخش گبول کے بعد کراچی سے تعلق رکھنے والے رکن سندھ اسمبلی ڈاکٹر عمران شاہ نے بھی تحریک انصاف چھوڑنے کا اعلان کرچکے ہیں۔

پی ٹی آئی اور سیاست سے علیحدگی اختیار کرنے والے ان ارکان اسمبلی نے فوجی تنصیبات پر حملوں کی سخت ترین الفاظ میں مذمت کرتے ہوئے اسے پاکستان کی سالمیت پر حملہ قرار دیا تھا۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں