سابق صوبائی وزیر اور پاکستان تحریک انصاف کے رہنما میاں محمود الرشید کو گرفتار کرلیا گیا ہے جس کی تصدیق ان کی سیکریٹری نے کر دی ہے۔
اے آر وائی نیوز کے مطابق سابق صوبائی وزیر اور پاکستان تحریک انصاف کے رہنما میاں محمود الرشید کو گرفتار کرلیا گیا ہے۔ میاں محمود کے سیکریٹری نے ان کی گرفتاری کی تصدیق کرتے ہوئے بتایا ہے کہ محمود الرشید کو گزشتہ روز عدالت جاتے ہوئے حراست میں لیا گیا تھا۔
میاں محمود کے سیکریٹری کے مطابق وہ سابق صوبائی وزیر گزشتہ روز لاہور کی مقامی عدالت میں ایک کیس می اپنی ضمانت کے لیے گئے تھے تاہم عدالت پہنچنے سے قبل ہی قانون نافذ کرنے والے ادارے اور پولیس اہلکاروں نے انہیں حراست میں لے کر نامعلوم مقام پر منتقل کردیا۔
دوسری جانب پنجاب میں سیکریٹری جنرل میاں حماد اظہر کے پرسنل سیکریٹری فیصل بیر کو بھی حراست میں لے لیا گیا ہے۔
Comments
- Advertisement -
