سینٹ لوسیا: ویسٹ انڈیز ٹیم کے سابق کپتان ڈیرن سیمی نے امریکی پولیس کے ہاتھوں سیاہ فام کی ہلاکت پر غم وغصے کا اظہار کیا۔
تفصیلات کے مطابق ویسٹ انڈیز کرکٹ ٹیم کے کھلاڑی ڈیرن سیمی نے سماجی رابطے کی ویب سائٹ ٹویٹر پر سیام فام جارج فلائیڈ کےحق میں آواز بلند کر دی۔
ویسٹ انڈیز کو دو مرتبہ 2 ٹوینٹی کا عالمی چیمپیئن بنوانے والے ڈیرن سیمی نے اپنے پیغام میں کہا کہ معاشرتی نا انصافی اور نسل پرستانہ تشدد کو ختم کرنا چاہیے۔
ڈیرن سیمی نے امریکی پولیس کے ہاتھوں سیاہ فام کی ہلاکت پر غم وغصے کا اظہار کرتے ہوئے کہا کہ طویل عرصے سے سیاہ فام افراد کو معاشرتی نا انصافیوں کا سامنا ہے، اگر آپ مجھے اپنے ایک ساتھی کی حیثیت سے دیکھتے ہیں تو آپ کو جارج فلائیڈ بھی نظر آئے، کیا آپ اس کے لیے اپنی حمایت دکھا کر اس تبدیلی کا حصہ بن سکتے ہیں۔
For too long black people have suffered. I’m all the way in St Lucia and I’m frustrated If you see me as a teammate then you see #GeorgeFloyd Can you be part of the change by showing your support. #BlackLivesMatter
— Daren Sammy (@darensammy88) June 2, 2020
امریکا میں سیاہ فام کی دردناک موت پولیس افسران کو لے ڈوبی
یاد رہے کہ 25 مئی کو امریکی ریاست مینیسوٹا کے شہر مینی پولس میں ایک سفید فام اہل کار ڈیرک شوین نے سیاہ فام شہری جارج فلائیڈ کو اس کی گاڑی سے اتار کر ہاتھ پیچھے ہتھکڑی سے باندھے اور پھر زمین پر گرا کر گھٹنے سے اس کی گردن اس وقت تک دباتا رہا جب تک اس کی سانس رک نہیں گئی۔
0
20
