اڈیالہ جیل میں توہین الیکشن کمیشن کیس کی سماعت میں بانی پی ٹی آئی اور فواد چوہدری پر آج فرد جرم عائد نہ ہو سکی سماعت 27 دسمبر تک ملتوی کر دی گئی۔
اے آر وائی نیوز کے مطابق ممبر الیکشن کمیشن نثار درانی کی سربراہی میں چار رکنی بینچ نے توہین الیکشن کمیشن کیس کی اڈیالہ جیل میں سماعت کی۔ دیگر ممبران میں شاہ محمود ،بابربھروانہ ،جسٹس (ر)اکرام اللہ شامل تھے۔
اس موقع پر فواد چوہدری کی توہین الیکشن کمیشن کیس میں اوپن ٹرائل کی استدعا کر دی اور کہا کہ انہیں کیس کی کاپیاں فراہم کی گئیں اور نہ ہی دستاویز اندر آنے دی گئی ہیں۔
سابق وفاقی وزیر نے موقف اختیار کیا کہ دستاویز کے بغیر نہیں بتا سکتا کہ مجھ پر کیا کیا الزامات ہیں۔
