لاہور : انسداد دہشت گردی عدالت نے پی ٹی آئی کے 4 روپوش رہنماؤں کو اشتہاری قراردے دیا، جن میں مراد سعید ، اعظم سواتی، واثق قیوم، محمد زبیر نیازی شامل ہیں۔
تفصیلات کے مطابق لاہور کی انسداد دہشت گردی عدالت میں 9 مئی کو ماڈل ٹاؤن میں مسلم لیگ ن کا دفتر جلانے سے متعلق کیس کی سماعت ہوئی۔
انسداددہشت گردی عدالت کےجج محمد نوید اقبال نےکیس کی سماعت کی ، تفتیشی افسر نے بتایا کہ ملزمان کےاشتہارات بھی شائع ہوئے مگر پیش نہیں ہوئے۔
- Advertisement -
تفتیشی افسر نے استدعا کی ملزمان گرفتاری کےڈر سے روپوش ہوچکےاشتہاری قرار دیا جائے۔
عدالت نے 4 روپوش پی ٹی آئی رہنماؤں کواشتہاری قراردے دیا، مراد سعید ، اعظم سواتی، واثق قیوم، محمد زبیر نیازی کواشتہاری قرار دیا گیا، ملزمان کے خلاف تھانہ ماڈل ٹاؤن میں مقدمہ درج ہے۔
