ڈیرہ بگٹی : سوئی کے نواحی علاقے ٹلی مٹ میں دھماکے کے نتیجے میں امن فورس کے4 رضا کار شہید اور 8زخمی ہوگئے۔
تفصیلات کے مطابق سابق وزیر داخلہ بلوچستان سرفراز بگٹی نے سماجی رابطے کی ویب سائٹ ٹوئٹر پر اپنے پیغام میں بتایا کہ
ڈیرہ بگٹی میں سوئی کے نواحی علاقے ٹلی مٹ میں دھماکا ہوا ، دھماکے کے نتیجے میں امن فورس کے4 رضا کار شہید اور 8زخمی ہوئے۔
Four people were martyred while eight others were injured in an attack in Mat area of Sui, #Balochistan. Baloch Republican Army terrorists were behind this attack. would like to know for how long the state will continue to tolerate such attacks on innocent people.
— Senator Sarfraz Bugti (@PakSarfrazbugti) January 28, 2022
سرفراز بگٹی کا کہنا تھا کہ کالعدم تنظیم بلوچستان ریپبلکن آرمی اس حملے میں ملوث ہے، ریاست کب تک معصوم لوگوں پرایسےحملوں کو برداشت کرتی رہے گی، پاکستان کےلیےپہلے بھی شہادتیں دی ہیں آگےبھی دیں گے۔
وزیراعلیٰ بلوچستان میر عبدالقدوس بزنجو نے سوئی میں دھماکے کی مذمت کرتے ہوئے امن فورس کےرضاکاروں کی شہادت پردلی رنج وغم کا اظہار کیا۔
وزیراعلیٰ بلوچستان کا کہنا تھا کہ امن دشمنوں نے ایک مرتبہ پھر دہشت گردی کی بزدلانہ کارروائی کی، شہدا نے عوام کے جان و مال کے تحفظ کے لیےجانیں قربان کیں۔
عبدالقدوس بزنجو نے مزید کہا کہ دہشت گردوں کوکیفرکردارتک پہنچائیں گے، امن کےلیے قربانیاں اورکاوشیں رائیگاں نہیں جائیں گی۔
