The news is by your side.

Advertisement

اسلام آباد ایئر پورٹ پر شارجہ سے آنے والے 4 مسافروں میں کورونا کی تصدیق

اسلام آباد : شارجہ سے اسلام آباد آنے والے چار مسافر کورونا میں مبتلا نکلے ، کورونا مثبت آنے کے بعد مسافروں کو قرنطینہ مرکز منتقل کردیا گیا ہے۔

تفصیلات کے مطابق اسلام آبادایئرپورٹ پر شارجہ سے آنے والے 4مسافروں کا کورونا ٹیسٹ مثبت آیا ، جس کے بعد چاروں مسافروں کو او جی ڈی سی ایل کے اسلام آباد میں واقع قرنطینہ مرکز منتقل کردیا گیا ہے۔

ایئرپورٹ حکام کا کہنا ہے کہ دوران چیکنگ مسافروں کےجسم کادرجہ حرارت بھی زیادہ تھا ، تاہم مسافروں کو کورونا نیگٹو رپورٹ پرگھرجانےکی اجازت ہوگی۔

خیال رہے پشاور میں باچا خان ایئرپورٹ پر پاک فوج کے تربیتِ یافتہ سراغ رساں کتوں کی مدد سے بیرونِ ملک سے آنے والے مسافروں کی جانچ کا عمل جاری ہے۔

گذشتہ ہفتے شارجہ سے نجی پرواز کے ذریعے 166 مسافر پشاور پہنچے تھے ، جہاں پر سراغ رساں کتوں کی مدد سے اُن کی جانچ کی گئی، جس میں سے 14 مسافروں کے کورونا ٹیسٹ مثبت نکلے۔

واضح رہے بیرونِ ملک سے آنے والے مسافروں میں کرونا تشخیص پشاور ایئرپورٹ پر 24 مئی کو کتے تعینات کیے گئے، جنہوں نے پہلے ہی روز 1 مریض کی نشاندہی کی تھی، بعد ازاں 26 مئی کو ان کتوں نے مزید پانچ مسافروں میں وائرس کی نشاندہی کی تھی۔

Comments

یہ بھی پڑھیں