بھارتی دارالحکومت نئی دہلی میں خوفناک حادثہ رونما ہوا ہے جہاں متعدد گاڑیاں آپس میں ٹکرا گئیں۔
بھارتی میڈیا رپورٹ کے مطابق نئی دہلی میں اندرا گاندھی اسٹیڈیم کے قریب سلیم گڑھ فلائی اوور پر چار اسکول بسوں سمیت کئی گاڑیاں آپس میں ٹکرا گئیں حادثے میں 25 اسکول طلبا سمیت انتیس افراد زخمی ہوئے۔
رپورٹ کے مطابق حادثے کے بعد علاقے میں افراتفری پھیل گئی، پولیس نے فوری جائے حادثے پر پہنچ کر زخمیوں کو اسپتال منتقل کیا۔
واقعہ کی خبر ملنے کے بعد طلبا کے والدین اور رفقا کی بڑی تعداد جائے حادثے پر پہنچے، کچھ والدین جب جائے حادثہ پر پہنچے تب تک زخمیوں کو اسپتال منتقل کیا جا چکا تھا۔
یہ بھی پڑھیں: گوالیار میں تاریخی ہزیمت کے بعد بھارتی فوج کو ایک اور بڑا جھٹکا
مقامی پولیس افسر نے بتایا کہ ابتدائی تحقیقات کے دوران پتہ چلا کہ حادثے میں زخمی طلبا سمیت تمام افراد اسکول سے تعلق رکھتے ہیں۔
پولیس کے مطابق مجموعی طور پر ان گاڑیوں میں 216 طلبا سوار تھے، حادثے میں 25 طلبا سمیت تین اسکول اسٹاف اراکین اور ایک راہ گیر زخمی ہوا۔
تصادم زدہ گاڑیوں میں چار بس، ایک آٹورکشہ ، ایک کار اور ایک موٹر سائیکل شامل ہے۔
