گوالیار میں تاریخی ہزیمت کے بعد بھارتی فوج کو ایک اور بڑا جھٹکا لگ گیا 31 فوجیوں کو ناگا لینڈ فریڈم فائٹرز نے حراست میں لے لیا۔
اے آر وائی نیوز کے مطابق بھارتی فوج کو پے در پے شرمندگی اور ہزیمت اٹھانا پڑ رہی ہے۔ گزشتہ دنوں گوالیار میں تاریخی ہزیمت کے بعد بھارتی فوج اور اس وقت ایک اور بڑا جھٹکا لگا ہے جب 31 فوجیوں کو ناگا لینڈ فریڈم فائٹرز نے حراست میں لے لیا۔
ناگا لینڈ فریڈم فائٹرز کی جانب سے حراست میں لیے جانے کے بعد ہندوستانی فوج کے افسران اور سپاہیوں کی ساری بہادری دھری کی دھری رہ گئی اور رہائی کے لیے فریڈم فائٹرز کی منت سماجت شروع کردی۔
ناگا لینڈ فریڈم فائٹرز نے آئندہ ایسا نہ کرنے کی یقین دہائی کے بعد ان کی جان بخشی کرتے ہوئے محفوظ راستہ دینے کی حامی بھری۔
واضح رہے کہ بھارتی فوج یکے بعد دیگرے مختلف محاذوں پر ہزیمت اٹھا رہی ہے جس کی وجہ ہندوستانی فوج کا سیاسی استعمال ہے۔
پے در پے شرمندگی والے واقعات کے باعث ہندوستانی فوج کا مورال دن بہ دن گرتا جا رہا ہے۔ دوسری جانب راشن اور دیگر سہولیات نہ ہونے کی وجہ سے بھارتی فوجی خودکشیوں پر مجبور ہیں۔
