بھارت کے شہر پٹنہ میں ایک دل دہلا دینے والا واقعہ رونما ہوا، نجی اسکول کے گٹر سے 4 سالہ بچے کی لاش برآمد ہوئی۔
بھارتی میڈیا رپورٹس کے مطابق پولیس نے اسکول کی پرنسپل اور اس کے بیٹے کو قتل کے الزام میں حراست میں لے لیا ہے، جبکہ دونوں گرفتار ملزمان نے اپنے جرم کا اعتراف بھی کرلیا ہے۔
پولیس ذرائع کا کہنا ہے کہ تحقیقات کے دوران دونوں نے اعتراف کیا کہ بچہ شدید زخمی ہوگیا تھا، ماں بیٹے نے اسے اسپتال لے جانے کی بجائے اسکول کے گٹر میں پھینک دیا جس سے معصوم بچہ جاں بحق ہو گیا۔
ملزمان نے اسکول میں سی سی ٹی وی سے لے کر خون کے دھبوں کو بھی صاف کردیا تھا۔ 10 منٹ کی فوٹیج کو حذف کردیا گیا تھا جبکہ خون کے دھبوں کو بھی صاف کردیا گیا تھا۔ پولیس نے پرنسپل اور اس کے بیٹے کو گرفتار کرنے کے بعد مزید کارروائی شروع کردی ہے۔
رپورٹس کے مطابق جمعرات کی دیر رات تک جب بچہ گھر نہیں پہنچا تو گھر والوں نے اسے ڈھونڈنا شروع کردیا، بچے کی لاش اسکول کے سیفٹی ٹینک سے برآمد ہوئی۔ لاش ملنے کے بعد مشتعل افراد اسکول پہنچ گئے اور کیمپس کو جلا ڈالا۔
بس میں دوران سفر آگ بھڑک اُٹھی، 8 افراد زندہ جل گئے، درجنوں زخمی
بچے کے ورثاء نے لاش سڑک پر رکھ کر شدید احتجاج کیا اور سڑک کو بلاک کردیا، سڑکوں پر ٹائر جلائے گئے اور مقامی لوگ کئی گھنٹوں تک ہنگامہ کرتے رہے۔ تاہم کارروائی کی یقین دہانی کے بعد ورثاء نے احتجاج ختم کردیا۔
