راولپنڈی: پاکستان اور نیوزی لینڈ کے درمیان ہونے والا چوتھا ٹی ٹوئنٹی میچ شدید بارش اور ژالہ باری کے باعث منسوخ کردیا گیا ہے۔
پاکستان کرکٹ بورڈ (پی سی بی) کی جانب سے جاری ٹوئٹ میں کہا گیا کہ پاکستان اور نیوزی لینڈ کے درمیان ہونے والے چوتھا ٹی ٹوئنٹی میچ شدید بارش کے باعث منسوخ کردیا گیا ہے، پانچ میچوں کی سیریز میں پاکستان کو 1-2 کی برتری حاصل ہے۔
The fourth #PAKvNZ T20I has been abandoned due to rain.
Pakistan continue to lead the series 2⃣-1⃣#CricketMubarak pic.twitter.com/xfOKmZDhS7
— Pakistan Cricket (@TheRealPCB) April 20, 2023
آج راولپنڈی اسٹیڈیم میں کھیلے جارہے چوتھے ٹی ٹوئنٹی میچ میں قومی ٹیم کے کپتان بابراعظم نے ٹاس جیتا اور مہمان نیوزی لینڈ کو پہلے بیٹنگ کرنے کی دعوت دی۔
Hailstorm in Pindi! #PakvNZ pic.twitter.com/5l5XqCBYBL
— zainab abbas (@ZAbbasOfficial) April 20, 2023
کیوی ٹیم کی 19ویں اوورز کا کھیل جاری تھا کہ شدید بارش اور ژالہ باری شروع ہوئی جس کے باعث میچ کو روکا، میچ روکےجانےسےقبل نیوزی لینڈکے5وکٹوں پر164رنز بنائے تھے۔
نیوزی لینڈ کی جانب سے مارک چیپ مین71رنزبناکرناٹ آؤٹ رہے جبکہ چیڈبوزنےبھی نصف سنچری اسکورکرتے ہوئے 54 رنز بنائے۔
⚠️ Match interrupted due to hailstorm ⛈️#PAKvNZ | #CricketMubarak pic.twitter.com/ArADwJD7LL
— Pakistan Cricket (@TheRealPCB) April 20, 2023
پاکستان کی جانب سے عماد وسیم نے شاندار بولنگ کرتے ہوئے 19 رنز کے عوض 3 کھلاڑیوں کو آؤٹ کیا، حارث رؤف اور شاہین آفریدی نے بھی ایک ایک وکٹ حاصل کی۔
چوتھے ٹی ٹوئنٹی میچ کے لئے قومی ٹیم میں ایک تبدیلی کی گئی، فاسٹ بولر نسیم شاہ کی جگہ زمان خان کو شامل کیا گیا جبکہ نیوزی لینڈ نے بھی اہم میچ کے لئے دو تبدیلیاں کیں ،بینجمن لسٹر کی جگہ ہنری شپلی اور جیمز نیشم کی جگہ کول مونچے کو ٹیم میں شامل کیا۔
پاکستان فائنل الیون
کپتان بابراعظم، محمد رضوان، فخر زمان، صائم ایوب، شاداب خان، افتخار احمد، عماد وسیم، فہیم اشرف، شاہین شاہ آفریدی، حارث رؤف اور زمان خان۔
نیوزی لینڈ فائنل الیون
ٹام لیتھم کپتان، چیڈبووس، ول ینگ، ڈیرل مچل، مارک چیمن، رچن رونڈا، کول مونچے، ایڈم ملنے، ایش سودھی، بینجمن لسٹر اور میٹ ہنری۔
Our line-up for today's T20I 🇵🇰#PAKvNZ | #CricketMubarak pic.twitter.com/RuxqlOO01q
— Pakistan Cricket (@TheRealPCB) April 20, 2023
ٹی ٹوئنٹی سیریز کا آخری میچ پیر 24 اپریل کو کھیلا جائے گا جس کے بعد پنڈی میں ہی پانچ ون ڈے میچز پر مشتمل سیریز کے ابتدائی دو میچز ہوں گے جس کے بعد دونوں ٹیمیں کراچی کے لیے اڑان بھریں گی جہاں ایک روزہ سیریز کا اختتام ہوگا۔