The news is by your side.

Advertisement

حکومت ملک کا امیج اورترسیلات بہتر بنا رہی ہے، ایف پی سی سی آئی

اسلام آباد : فیڈریشن آف پاکستان چیمبرز آف کامرس اینڈ انڈ سٹری (ایف پی سی سی آئی) کے نائب صدر کریم عزیز ملک نے کہا ہے کہ حکومت کی کوششوں سے پاکستان کا بین الاقوامی امیج بہتر ہو رہا ہے۔

اپنے ایک بیان میں انہوں نے کہا کہ مزید کمپنیاں پاکستان میں سرمایہ کاری کریں گی جس سے معیشت مستحکم ہوگی، غیر ملکی کمپنیوں کی پاکستان آمد سے دیگر کمپنیاں بھی اپنی سوچ بدلیں گی۔

انہوں نے کہا کہ حکومت کے فیصلوں کی وجہ سے ملکی اور غیر ملکی سرمایہ کاروں کا اعتماد بحال ہو رہا ہے ، ان کا موقف تھا کہ دیگر ممالک میں مقیم پاکستانی قانونی ذرائع سے تقریباً بیس ارب ڈالر سالانہ بھجواتے ہیں۔

پندرہ ارب ڈالر تک کی رقم غیر قانونی ذرائع سے بھجوائی جاتی ہے جو اگر بینکوں کے ذریعے بھجوائی جائے تو ملک کو کسی غیر ملکی قرضے کی ضرورت نہیں رہے گی۔

Comments

comments

یہ بھی پڑھیں