شامی شہر ادلب کی صورت حال، ترکی کے بعد فرانس نے بھی خبردار کردیا
The news is by your side.

Advertisement

شامی شہر ادلب کی صورت حال، ترکی کے بعد فرانس نے بھی خبردار کردیا

پیرس: شامی شہر ادلب کی صورت حال سے متعلق فرانسیسی حکام نے خبردار کیا ہے حملے کی صورت میں جنگی جرائم میں اضافہ ہوگا۔

تفصیلات کے مطابق گذشتہ روز ترک حکام نے روس کو متنبہ کیا تھا کہ اگر وہ شامی شہر ادلب پر حملہ کرتا ہے تو اس کا خمیازہ پوری دنیا کو بھگتنا ہوگا۔

غیر ملکی خبررساں ادارے کے مطابق فرانسیسی وزیر خارجہ لیڈرین نے خبردار کیا ہے کہ شامی اور ایرانی افواج کی ادلب پر حملے کی صورت میں سنگین نتائج سامنے آئیں گے، جنگی جرائم میں اضافہ ہوگا جو یورپ کے لیے بھی خطرہ ہے۔

اپنے بیان میں ان کا کہنا تھا کہ ایک بار شہری آبادی اور اسپتالوں کی تخصیص کیے بغیر بمباری شروع کر دی جائے تو جنگی جرائم کے ہونے کا دائرہ کار وسیع ہو جاتا ہے۔

ترک صدر نے شامی شہر ادلب پر حملہ پوری دنیا کے لیے خطرہ قرار دے دیا

خیال رہے کہ گذشتہ روز ترکی کے صدر رجب طیب اردوگان نے شام میں روسی حملوں کے تناظر میں کہا تھا کہ اس کی قیمیت پوری دنیا کو ادا کرنی پڑے گی۔

انہوں نے اپنے بیان میں یہ بھی کہا تھا کہ شامی شہر ادلب پر حملہ ترکی سمیت دیگر یورپی ممالک کے لیے بھی سیکیورٹی خطرے کا باعث بن سکتا ہے۔

یاد ہے کہ گذشتہ دنوں شام کے معاملے پر روس، ترکی اور ایرانی سربراہان کے درمیان اہم ملاقات تہران میں ہوئی تھی جس میں فوجی کارروائیوں کے بجائے مذاکرات کے ذریعے شامی جنگی صورت حال کا حل نکالنے پر تبادلہ خیال کیا گیا تھا۔

Comments

comments

یہ بھی پڑھیں