پاکستانی ڈرامہ انڈسٹری کی معروف اداکارہ نعیمہ بٹ نے ڈرامہ سیریل ’فراڈ‘ کی آخری قسط سے قبل پوسٹ شیئر کردی۔
ڈرامہ سیریل ’فراڈ‘ میں احسن خان (شجی)، صبا قمر (مایا)، میکال ذوالفقار (شان)، نعیمہ بٹ (طوبیٰ)، اسما عباس (شان، کی سوتیلی والدہ)، محمود اسلم (مایا کے والد)، ندا ممتاز (والدہ، رابعہ کلثوم، عدنان صمد، سیفی حسن، نازلی نصر ودیگر اداکاری کے جوہر دکھا رہے ہیں۔
فراڈ کے ٹائٹل سونگ میں معروف گلوکار علی ظفر اور حنا نصر اللہ نے اپنی آواز کا جادو جگایا ہے جبکہ ڈرامے کی ہدایت کاری کے فرائض مصدق ملک نے انجام دیے ہیں اور اس کی کہانی عالیہ مخدوم نے لکھی ہے۔
ڈرامے کی کہانی شجی، شان، مایا، طوبیٰ اور شان کی سوتیلی والدہ کے گرد گھومتی ہے، فراڈ میں دکھایا گیا کہ کس طرح شان کی سوتیلی والدہ اپنے بیٹے پر بھروسہ کرنے کی بجائے شجی پر بھروسہ کرتی ہیں اور شان کے بیرون ملک جاتے ہی جائیداد پر قابض ہوجاتی ہیں۔
فراڈ کی آخری قسط کے پرومو میں دکھایا گیا کہ ’شان کی والدہ جو جب شجی دھوکا دیتا ہے تو وہ یہ برداشت نہیں کرپاتیں اور انہیں طبیعت بگڑنے پر اسپتال منتقل کیا جاتا ہے۔‘
تاہم اداکارہ نعیمہ بٹ نے انسٹاگرام پر پوسٹ شیئر کرتے ہوئے مداحوں سے پوچھا کہ آپ کے خیال میں ’فراڈ‘ کی آخری قسط میں کیا ہوگا؟‘
نعیمہ بٹ نے مزید لکھا کہ ’اس کا خیال پسند آیا، طوبیٰ نے پوسٹ میں شجی، طوبیٰ، اور ڈرامے کی دیگر کاسٹ کے ہیش ٹیگ بھی استعمال کیے۔
واضح رہے کہ ’فراڈ کی آخری قسط آج رات 8 بجے نشر کی جائے گی۔
