تاج محل میں 3 دنوں تک مفت داخلہ، وجہ کیا ہے؟

عرس کمیٹی کے چیئرمین نے کہا ہے کہ تاج محل میں عام عوام کا داخلہ 3 دنوں تک مفت کردیا ہے۔

بھاتی میڈیا رپورٹ کے مطابق مغل بادشاہ شاہ جہاں کے 368 ویں عرس کے موقع پر آگرہ کے تاج محل میں 17 سے 19 فروری تک داخلہ مفت رہے گا۔

اس موقع پر سیاحوں کو شاہ جہاں اور ممتاز کے مقبرے بھی دیکھنے کو ملیں گے جہاں عام دنوں میں لوگوں کو جانے کی اجازت نہیں ہوتی۔

عرس کمیٹی کے چیئرمین ابراہیم زیدی نے بتایا کہ ہر سال کی طرح اس سال بھی شاہجہاں کا عرس 17 فروری سے 19 فروری تک منعقد ہوگا۔

ان تین دنوں تک سیاحوں اور مزار پر حاضری دینے والوں کے لیے تاج محل میں داخلہ مفت رہے گا۔

Comments