The news is by your side.

Advertisement

خلاء سے کراچی شہر کی جگ مگ کرتی تصویر

پیرس: فرانسیسی خلاباز تھامس پیسکٹ نے خلا سے کراچی شہرکی جگ مگ کرتی ایسی تصویر اپنے کیمرے میں قید کی کہ دیکھنے والے دیکھتے رہ گئے‌‌‌۔

خلا میں موجود سائنسدان روزانہ نت نئی ایجادات کی تلاش میں سرکردہ رہتے ہیں، کیا آپ نے کبھی تصورکیا کہ آسمان کے پارجہاں اجرامِ فلکی‘ خلائی جہاز اور سیٹلائیٹس موجود ہیں۔ وہاں سے کراچی کیسا دکھائی دیتا ہے تو اس کا جواب خلا باز تھامس پیسکٹ نے دے دیا ہے۔

فرانسیسی خلابازاکثرخلا سے سماجی رابطے کی ٹوئٹر پر مختلف شہروں تصاویرشیئر کرتے ہیں لیکن اس بارتھامس پیسکٹ نے پاکستان کے سب سے اہم شہر کراچی کی خوبصورت تصویر شیئر کی، جو تاریکی میں مکڑی کا چمکتا ہوا جالے کا منظر پیش کررہی ہیں۔

تھامس پیسکٹ نے اپنے پیغام میں لکھا کہ بحیرہ عرب کے کنارے پر واقع دنیا کا ساتواں بڑا شہر کراچی رات کے وقت دلکش نظارہ پیش کررہا ہے۔

کراچی کو روشنیوں کے شہر کے نام سے جانا جاتا ہے اور ملک کے بعض دیگر شہروں کے برعکس رات کی زندگی کیلئے مشہور ہے۔

اس سے قبل بھی فرانسیسی خلاباز نے خلاء سے سعودی عرب کے شہر جدہ کی دلکش تصویر شیئر کی تھی۔

Print Friendly, PDF & Email

Comments

comments

یہ بھی پڑھیں