The news is by your side.

Advertisement

لڑکے دوست کی لاش کو موٹرسائیکل پر گھمانے نکل گئے

کیوٹو : جنوبی امریکی ملک میں نوجوان مقتول دوست کی لاش آخری رسومات سے قبل تابوت سےاٹھا کر موٹرسائیکل پر گھمانے نکل پڑے، واقعے کی ویڈیو سوشل میڈیا پر وائرل ہوگئی۔

لاش کو موٹرسائیکل پر گھمانے کا حیران کن واقعہ جنوبی امریکی ملک ایکواڈور کے منابی صوبے میں پیش آیا جہاں ایک 21 سالہ نوجوان کو جنازے میں جاتے ہوئے دو نامعلوم افراد نے فائرنگ کرکے قتل کردیا تھا۔

نوجوان ایرک سیڈینو نامی 21 سالہ نوجوان کی آخری رسومات ادا کی جانے لگیں تو اس کے دوستوں نے زبردستی لاش کو تابوت سے باہر نکالا اور موٹرسائیکل پر بٹھا کر آخری مرتبہ گھمانے نکل پڑے۔

ویڈیو میں دیکھا جاسکتا ہے کہ ایک شخص موٹر سائیکل انتظار میں کھڑا ہے جب کہ دیگر دوستوں کی جانب لکڑی کا تابوت کھولا گیا اور لاش کا باہر نکال کر موٹرسائیکل پر ڈرائیور کے پیچھے بٹھایا گیا جب کہ ایک دوست لاش کو تھام پر اس کے پیچھے بیٹھا اور موٹرسائیکل چلا دی۔

جب نوجوان کی لاش کو دوستوں کی جانب سے علاقے میں موٹرسائیکل پر گھمایا جارہا تھا تو سیکڑوں کی تعداد میں تماشائی ارد گرد کھڑے ہوکر عجیب و غریب مناظر دیکھ رہے تھے۔

رپورٹ کے مطابق مقتول نوجوان کے دوستوں کے تابوت پر نشہ آور مشروبات بھی ڈالے۔

نوجوانوں کے گروپ کا دعویٰ ہے کہ انہوں نے ایرک سیڈینو کی لاش کو موٹرسائیکل پر گھمانے سے قبل اس کے والدین سے اجازت لی تھی اس کے باوجود حکام نے واقعے پر غلط قرار دیا ہے۔

Comments

یہ بھی پڑھیں