بنکاک: تھائی لینڈ کے نومنتخب بادشاہ نے اپنی تاج پوشی سے قبل بڑا سرپرائز دے کر سب کو حیران کردیا، انہوں نے اپنی سیکیورٹی گارڈ سے شادی کا اعلان کیا۔
تفصیلات کے مطابق تھائی لینڈ کے نئے بادشاہ ماہا وجیرالونگ کورن کی تاج پوشی کی تقریب جاری تھی کہ انہوں نے یک دم لوگوں کو مخاطب کر کے سرپرائز دینے کا اعلان کیا۔
ماہا وجیرالونگ نے اعلان کیا کہ وہ اپنی سیکیورٹی سدہتا اپنی اہلیہ اور شاہی خاندان کا حصہ بنانا چاہتے ہیں، یہ سنتے ہی وہاں موجود شاہی ملازم ایک پھولوں سے بھری ٹرے لے کر پہنچا اور اُس نے وہ بادشاہ کے سامنے کی۔
مزید پڑھیں: تھائی لینڈ: نئے بادشاہ کی تاج پوشی کی تیاریاں، 4 ارب سے زائد خرچہ
ماہا وجیرالونگ نے سدہتا سے اظہارِ محبت کرتے ہوئے شادی کی خواہش کا اظہار بھی کیا جس پر وہ راضی ہوگئیں اور پھر تاج پوشی سے قبل دونوں کی مقامی رسم کے مطابق شادی ہوئی۔
شادی کی تقریب سرکاری ٹیلی ویژن پر براہ راست دکھائی گئی اور تاج پوشی کے بعد سدہتا کو ملکی کہہ کر مخاطب کیا گیا۔ تھائی لینڈ کی میڈیا رپورٹس کے مطابق سدہتا ازدواجی بندھن میں بندھنے سے قبل ماہا وجیرالونگ کورن کی فضائی میزبان اور ولی عہد کی ذاتی محافظ تھیں۔
یاد رہے کہ وجیرالونگ کو والد کی وفات کے دو برس بعد شاہی خاندان کی جانب سے تخت کی ذنہ داری سونپی گئی تھی البتہ رسم و رواج کے مطابق انہوں نے دو سال سوگ مکمل ہونے کے بعد حلف اٹھایا۔ تاج پوشی کی تقریب پر چار ارب روپے سے زائد کے اخراجات آئے تھے۔ تقریبات کا انعقاد 4 مئی سے 6 مئی تک جاری رہے گا۔
