بھارت میں پیسوں کی لین دین کے تنازعہ پر کچھ نوجوانوں نے پھل فروش کی بے رحمی سے پٹائی کردی۔
بھارتی میڈیا رپورٹ کے مطابق یہ واقعہ بھارت کی ریاست اتر پردیش کے شہر نوئیڈا میں پیش آیا، جہاں 2 نوجوان لڑکوں نے سیب کی قیمت میں 5 روپے کم نہ کرنے پر پھل فروش کی درگت بنادی۔
ویڈیو پھل فروش اور دو گاہکوں کے درمیان سیب کی قیمت پر جھگڑے کی ہے، جس میں دیکھا جاسکتا ہے کہ دونوں نوجوان پھل فروش کو بیچ روڈ پر بے رحمی سے پٹ رہے ہیں۔
بھارتی میڈیا کے مطابق متاثرہ اجے ایک پھل فروش ہے اور نوئیڈا میں دکان چلاتا ہے۔ 16 جنوری کو امیت نامی گاہک اس کی دکان پر پہنچتا ہے اور اس سے سیب کی قیمت پوچھتا ہے۔
नोएडा में सुरक्षा व्यवस्था कैसी है कि इस वीडियो से पता चलता है थाना फ़ेज 1 से चंद कदमों की दूरी पर गुंडा गर्दी पुलिस का कोई ख़ौफ़ नहीं @noidapolice @dgpup @DCP_Noida pic.twitter.com/GDvCEGUcqw
— Mohd Imran (@ImranJaihind) January 17, 2023
اجے نے قیمت 90 روپے فی کلو بتائی، جب کہ امیت نے اسے 85 روپے فی کلو دینے کو کہا، جس کے بعد دونوں کے درمیان جھگڑا شروع ہوگیا، معاملہ اتنا بگڑ گیا کہ امیت نے اپنے دوست کے ساتھ مل کر اجے کو گھونسے مارنا شروع کر دیا۔
دریں اثنااس واقعے کا مقدمہ درج کیا گیا تھا اور پولیس نے اس جرم سے تعلق رکھنے والے افراد کو گرفتار کر لیا ہے۔
