کراچی: اسٹیج اور ٹی وی کے معروف فنکار اسماعیل تارا کی نماز جنازہ ادا کردی گئی ہے۔
پاکستانی فلم اور ڈرامہ انڈسٹری کے نامور مزاحیہ اداکار اسماعیل تارا گزشتہ روز دار فانی سے کوچ کرگئے، وہ گردے کے عارضے میں مبتلا تھے۔
ان کا نماز جنازہ شہید ملت روڈ سے متصل پہاڑی مسجد میں ادا کی گئی ہے۔
یہ بھی پڑھیں: معروف کامیڈین اداکار اسماعیل تارا انتقال کرگئے
مرحوم اداکار نے پی ٹی وی کے مزاحیہ ڈرامے ’ففٹی ففٹی‘ میں اداکاری کے جوہر دکھائے تھے وہ اے آر وائی ڈیجیٹل کے متعدد ڈراموں بھی مزاحیہ کردار نبھا چکے ہیں۔
انہوں نے اے آر وائی ڈیجیٹل کے ڈراموں ’انگنا‘ اور ’وہ پاگل سی‘ میں اداکاری کے جوہر دکھائے تھے، ’لیاری کنگ لائیو‘ ٹاک شو بھی کیا۔
