فیصل آباد: کرکٹر آصف علی کی بیٹی نور فاطمہ کی نماز جنازہ فیصل آباد میں ادا کردی گئی۔
تفصیلات کے مطابق قومی کرکٹ ٹیم کے کھلاڑی آصف علی کی 2 سالہ بیٹی نور فاطمہ ادا کردی گئی، آصف علی کی بیٹی کوبہشتی قبرستان میں سپرد خاک کیا جائے گا۔
نور فاطمہ امریکا میں دوران علاج انتقال کرگئی تھیں، آصف علی گزشتہ رات بیٹی کی میت لے کر پاکستان پہنچے تھے۔ دو سالہ نور فاطمہ کا کینسر چوتھی اسٹیج پر تھا۔
آصف علی کی بیٹی کے بارے میں خبریں رواں برس پی ایس ایل کے دوران سامنے آئی تھیں جب پی ایس ایل میں آصف علی کی ٹیم اسلام آباد یونائیٹڈ کے ہیڈ کوچ ڈین جونز ایک پریس کانفرنس کے دوران اس حوالے سے بات کرتے ہوئے آبدیدہ ہوگئے تھے۔
قومی کرکٹرآصف علی کی کمسن بیٹی انتقال کرگئیں
آصف علی کی بیٹی کے انتقال پر اے آر وائی کے صدراور سی ای او سلمان اقبال نے اظہار افسوس کرتے ہوئے کہا تھا کہ دکھ کی اس گھڑی میں آصف علی اورن کے اہل خانہ کے ساتھ ہیں۔
دوسری جانب وزیرخارجہ شاہ محمود قریشی نے کرکٹر آصف علی کی بیٹی کے انتقال پرگہرے دکھ کا اظہار کیا تھا۔ انہوں نے آصف علی اور ان کے اہل خانہ سے تعزیت کا اظہار کیا تھا۔
