کچھ خواہشیں ایسی ہوتی ہیں جنھیں پورا کرنے کے لیے کافی انتظار کرنا پڑتا ہے، بوڑھے شخص نے اپنی ریٹائرمنٹ کے بعد دنیا کی مہنگی ترین کار خرید کر اپنی دیرینہ خواہش پوری کرلی۔
انٹرنیٹ پر ایک بوڑھے شخص کی ویڈیو وائرل ہورہی ہے، مذکورہ شخص مہنگے ترین برانڈز میں سے ایک لمبورگنی کار کو خریدنے کے بعد انوکھے انداز میں خوشی کا اظہار کررہا ہے اور شدت جذبات سے اس کی ہنسی ہی بند نہیں ہورہی۔
ٹوئٹر پر اپ لوڈ کی گئی ویڈیو کلپ میں دیکھا جاسکتا ہے گنجا بوڑھا آدمی اپنی مٹیلک گرے یا سیاہ لمبورگنی کار میں بیٹھا ہوا ہے اسی دوران وہ کھلے دروازہ سے اترنے کی کوشش کرتا ہے اور مضحکہ خیز انداز میں گرتے پڑتے باہر آتا ہے۔
پھر وہ شخص بے تحاشہ ہنستے ہوئے زمین پر ہاتھ مارنا شروع کردیتا اور اپنی خوشی کی شدت کا اظہار کرتا ہے۔
اس ویڈیو پر لوگوں کی جانب سے کمنٹس کا سیلاب آگیا اور وہ طرح طرح سے اپنے جذبات کا اظہار کرنے لگے، کچھ لوگ اس بات پر خوش دکھائی دیے کہ بالآخر بوڑھے نے اپنا مقصد پورا کرلیا۔
When you buy Lambo after retirement. pic.twitter.com/M5Z4UhDIgq
— Figen (@TheFigen_) July 27, 2023
ایک صارف نے لکھا کہ یہ بہت جذباتی کردینے والا ہے، ایک نے لکھا کہ یہ بہت باوقار اور عملی ہے، ایک شخص نے کہا کہ میں دیکھ سکتا ہوں کہ یہ ایک چیلنج تھا۔