نئی دہلی: بھارت میں جی 20 اجلاس کے موقع پر معروف بھارتی صحافی اور ناول نگار اروندتی رائے مودی سرکار کی پالیسی پر شدید تنقید کی۔
تفصیلات کے مطابق بھارتی دارالحکومت نئی دہلی میں جی ٹوئنٹی اجلاس شروع ہو گیا ہے، جس میں شرکت کے لیے رکن ممالک کے سربراہان کی آمد جاری ہے، امریکی صدر جوبائیڈن سمیت کینیڈا، آسٹریلیا، جاپان، چین، ترکی سمیت دیگر ممالک کے سربراہان مملکت نئی دہلی پہنچ گئے ہیں۔
اس موقع پر مودی سرکار نے دارالحکومت کو چھاؤنی میں تبدیل کر دیا ہے، شہر میں لاک ڈاؤن لگا دیا گیا ہے، اور ہر طرف ہُو کا عالم ہے، دکانیں اور بازار بند ہونے سے لوگ پریشان ہیں۔
اجلاس سے قبل تبتی کمیونٹی کی جانب سے احتجاج کیا گیا، انتظامیہ نے فسادات کا الزام لگاتے ہوئے کئی مسلمانوں کے گھر مسمار کر دیے، نوجوانوں کو گرفتار کر لیا، جب کہ تشدد سے ایک نوجوان جاں بحق بھی ہوا۔
بھارتی صحافی اروندتی رائے ملکی صورت حال پر برس پڑیں، انھوں نے کہا عالمی سربراہان جی ٹوئنٹی میں شرکت تو کر رہے ہیں لیکن یہ نہیں جانتے بھارت میں کیا ہو رہا ہے، انھوں نے کہا بھارت میں مسلمان اور اقلیتوں کے ساتھ جو ہو رہا ہے اس پر عالمی سربراہان کو خاموش نہیں رہنا چاہیے۔
