بھارت کی جانب سے جی 20 اجلاس کی میزبانی، عالمی سطح پر بھارت کا مصنوعی چہرہ کھل کر سا منے آگیا۔
تفصیلات کے مطابق مرکزی دہلی کے چاروں اطراف مودی سرکار کی جانب سے خوشامد زوروں پر ہے، منافقانہ طرز اپناتے ہوئے دہلی میں قائم کچی آبادیوں کو ڈھانپ دیا گیا اور وہاں کے رہائشیوں کے چہرے پر جی 20 کے پوسٹر لگا دیئے گئے ہیں۔
دہلی میں قائم کچی آبادیوں کی نقل وحرکت بھی انتہائی محدود کردی گئی ہے، نقل و حرکت پر پابندیوں کیساتھ کنٹرول زون قائم کردیئے گئے ہیں، جبکہ وسطی دہلی میں تمام پبلک ٹرانسپورٹس اوردکانوں کو بڑے پیمانے پر بندش کا سامنا ہے۔
دہلی کے مقامی لوگوں کو اس صورتحال کے باعث شدید پریشانی کا سامنا کرنا پڑ رہا ہے، جبکہ اگلے 3 سے 4 روز تک انہیں مشکلات کا سامنا کرنا پڑے گا۔
دوسری جانب جھوٹی نمود و نمائش کیلئے مودی سرکار نے جی 20 کے زائرین کیلئے تمام پمپ اینڈ شو، دھوم دھام اور چمک دمک کاانتظام کیے رکھا ہے۔
