گیمنگ کنسول ننٹینڈو سوئچ نے اپنے نئے ماڈل او ایل ای ڈی کی ریلیز کی تاریخ قیمت اور تفصیلات جاری کردی ہیں۔
گیمنگ کنسول ننٹینڈو نے اپنے صارفین کے لیے طویل انتظار کے بعد وسط جنریشن کا نئے ماڈل ننٹینڈو سوئچ او ایل ای ڈی مارکیٹ میں لانے کا اعلان کردیا ہے۔ ننٹینڈو کے آفیشل ٹوئٹر اکاؤنٹ سے نئے ماڈل کی ریلیز کا باقاعدہ اعلان کیا گیا ہے۔
ننٹینڈو سوئچ اولیڈ ماڈل میں کیا نئی خصوصیات شامل ہیں؟
ننٹینڈو وسط جنریشن کے ننٹینڈو سوئچ او ایل ای ڈی ماڈل کو7 انچ کی OLED اسکرین کے ساتھ رواں سال 8 اکتوبر کو349 ڈالر 99 سینٹ میں فروخت کے لیے پیش کیا جائے گیا۔
Meet the newest entry to the #NintendoSwitch family! Nintendo Switch (OLED model) brings the versatility of the Nintendo Switch experience with a vibrant 7-inch OLED screen, a wide adjustable stand, and more. Nintendo Switch (OLED model) releases on 10/8.https://t.co/zRpGxakJDn pic.twitter.com/Tsc55r35ay
— Nintendo of America (@NintendoAmerica) July 6, 2021
جب کہ اس وقت ننٹینڈو سوئچ کو امریکا میں 299 ڈالر 99 سینٹ اور ننٹینڈو سوئچ لائٹ ماڈل کو 199ڈالر99 سینٹ میں فروخت کیا جار ہا ہے لیکن نئے ماڈل میں دیئے گئے فیچرز کے ساتھ موازنہ کیا جائے تو اس کے لیے50 ڈالر اضافی دینے میں کوئی حرج نہیں ہے۔
ننٹینڈو سوئچ اولیڈ کے فیچرز کیا ہیں؟
ننٹینڈو کے اس نئے ماڈل میں سب سے پُرکشش بات اس کا او ایل ای ڈی (آرگنیک لائٹ ایمیٹنگ ڈائیوڈ ڈسپلے) ہے۔ او ایل ای ڈی ڈسپلے کو دنیا بھر کی ڈسپلے ٹیکنالوجیز میں سب سے بہترین مانا جاتا ہے۔ ایل ای ڈی کی طرح تصاویر دکھانے کے لیے یہ بیک لائٹ پر انحصار نہیں کرتا۔ اس میں انفرادی پکسل سے خارج ہونے والی روشنی تصاویر ظاہر کرتی ہے۔ جس سے آپ کو بہترین تصاویر اور کنٹراسٹ لیول ملتا ہے۔
پرانے ماڈلز کی نسبت اس کا ڈسپلے سائز زیادہ روشن اور بڑا( 7 انچ) ہے جس سے آپ کو انفرادی اور دوستوں کے ساتھ گیمز کھیلنے کا زیادہ مزہ آتا ہے۔ ڈسپلے کے علاوہ ننٹینڈو کے اس نئے ماڈل میں چوڑا، ایڈجسٹ ایبل اسٹینڈ اور بہترین آڈیو کوالٹی دی گئی ہے جو کہ ڈولبی ایٹموس کو بھی سپورٹ کرتی ہے۔
نئے ماڈل میں ایک نیا اضافی فیچر ایل اے این سپورٹ کا بھی دیا گیا ہے، جس کی مدد سے ننٹینڈو سوئچ کے آن لائن گیمز کو وائی فائے پر زیادہ مستحکم اور قابل بھروسہ طریقے سے کھیلا جا سکتا ہے۔ ننٹینڈو نے اپنے اس نئے ماڈل میں اسٹوریج32 جی بی سے بڑھا کر 64 جی بی کردی ہے۔
