کراچی : اسپیشل انویسٹی گیشن یونٹ نے بینکوں سے کیش لے کر نکلنے والے لوگوں کو لوٹنے والے ڈکیت گینگ کو گرفتار کرلیا۔
تفصیلات کے مطابق اسپیشل انویسٹی گیشن یونٹ کی کورنگی روڈ پر کارروائی کرتے ہوئے بینکوں سے کیش لے کر نکلنے والے لوگوں کو لوٹنے والے ڈکیت گینگ کے 4ملزمان گرفتار کرلیے۔
حکام نے بتایا کہ ملزمان سے 4 پستول اور دو موٹر سائیکلیں بھی برآمد ہوئی ، گرفتارملزمان میں محمد کامران عرف کامی ، انوارالحق عرف احسان ،غلام محمد، جازب علی شامل ہیں۔
گرفتار ملزمان نے ڈیفنس، گزری، گلشن اقبال، طارق روڈ، فیروز آباد، شارع فیصل، کورنگی، قیوم آباد کے علاقوں میں وارداتیں کرتے تھے۔
انویسٹی گیشن یونٹ کا کہنا تھا کہ بوٹ بیسن و دیگر علاقوں میں بھی بینکوں سے کیش لیکر نکلنے والے کئی لوگوں سے لاکھوں روپے اسلحہ کے زور پر لوٹتے تھے۔
حکام کے مطابق ملزمان کا ایک ساتھی ریاض رواں سال گلشن اقبال میں ایک ہائی روف سے ڈکیتی کے دوران اسی گاڑی کے نیچے آکر ہلاک ہو گیا تھا ، کامران، غلام محمد اور غلام حسین موقعہ سے گرفتار ہوئے تھے ، ملزمان سے مزید تفتیش جاری ہے۔
