کراچی: شہر قائد کے علاقے ماڈل کالونی میں اس وقت ایک عجیب واقعہ پیش آیا جب ایک موٹر سائیکل سوار نے کوئی جلتی چیز پھینکی اور اچانک سڑک کنارے آگ بھڑک اٹھی۔
تفصیلات کے مطابق کراچی کے علاقے ماڈل کالونی میں گزشتہ روز ہونے والے واقعے کی فوٹیج اے آر وائی نیوز نے حاصل کر لی ہے، جس کے بارے میں معلوم ہوا ہے کہ زمین سے گیس لیکیج کے باعث آگ بھڑک اٹھی تھی۔
علاقہ مکینوں کے مطابق یہ واقعہ ماڈل کالونی میں شیٹ نمبر 7 پر پیش آیا تھا، معمولی غلطی سے بڑا حادثہ رونما ہوتے ہوتے رہ گیا، دراصل گلی میں کھدائی کر کے نئی گیس لائن بچھائی گئی تھی۔
فوٹیج میں دیکھا جا سکتا ہے کہ موٹر سائیکل سوار 3 افراد گلی سے گزر رہے تھے، بائیک پر بیٹھے شخص نے جلتی تیلی یا سگریٹ پھینک دی، اور اچانک سے زمین پر آگ بھڑکنا شروع ہوئی جو پھیلتی گئی۔
کورنگی میں 21 سالہ نوجوان صہیب کے قتل کی سی سی ٹی وی فوٹیج سامنے آگئی
عین اسی لمحے قریب کی مسجد سے نکل کر سڑک پر گزرتا ایک لڑکا معجزانہ طور پر بچ گیا، آگ عین اس کے پیروں کے نیچے لگی تھی، زمین سے آگ نکلتی دیکھ کر بچے نے خود کو جلدی سے بچایا۔
آگ گیس لائن میں لیکیج کی وجہ سے لگی تھی، اور زمین پر لگنے والی آگ کئی گھنٹے تک ایسے ہی لگی رہی، معلوم ہوا ہے کہ مسجد کے سامنے گلی میں تازہ کھدائی کی گئی تھی، ذرائع کا کہنا ہے کہ واقعے کے بعد متعلقہ ادارے کی جانب سے فالٹ ٹھیک کر دیا گیا۔
