اسلام آباد : آئل اینڈ گیس ریگولرٹی اتھارٹی نے عوام پر گیس بم گرانے کی تیاریاں کر لیں، اوگرا نے کہا ہے کہ وزیر اعظم کےزبانی احکامات پرگیس کی قیمتوں میں اضافہ نہیں روک سکتے، حکومت نے ایڈوائس نہ دی تو گیس کی قیمتوں میں اضافےکا نوٹیفکیشن جاری کردیا جائے گا۔
تفصیلات کے مطابق عوام پرگیس بم گرنے والا ہے دو دن بعد گیس مہنگی کر دی جائے گی۔ اوگرا حکام نے وزیراعظم، وزارت پٹرولیم اور وزارت خزانہ کو خط لکھ دیا ہے، جس میں کہا گیا ہے کہ حکومت نے ایڈوائس نہ دی تو گیس کی قیمتوں میں اضافےکا نوٹیفکیشن جاری کردیا جائے گا۔
قیمتوں میں اضافے کا فیصلہ6 اکتوبرکو ارسال کیا گیا تھا، اوگرا حکام کے مطابق وفاقی حکومت کو ایک ماہ پہلے بتا دیا تھا کہ اگر حکومت گیس مہنگی نہیں کرنا چاہتی تو عوام کو سبسڈی دے۔
مزید پڑھیں : حکومت نے آئندہ 6ماہ کیلئے گیس کی قیمتوں میں اضافہ روک دیا
کمپنیوں کی مالی ضرورت پوری کرنے کیلئے گیس کے نرخوں میں اضافہ کرنا قانونی طور پر لازمی بن چکا ہے۔ اوگرا حکام کا کہنا ہے کہ 15 نومبر سے گیس مہنگی کرنے کا حتمی فیصلہ کرلیا گیا ہے۔
مزید پڑھیں : رواں سال گیس کی قیمتوں میں اضافہ نہیں ہوگا،شاہد خاقان عباسی
مالی ضروریات پوری کرنے کیلئے گیس مہنگی کرنا ناگزیر ہوچکا ہے قیمت میں اضافے کا نوٹیفکیشن جاری نہ کرنا قوانین کی خلاف ورزی ہوگی۔
