اسلام آباد: ماڑی پیٹرولیم نے صوبہ بلوچستان کے ضلع کوہلو سے نئی گیس کا ذخیرہ دریافت کرنے کا اعلان کر دیا۔
ماڑی پیٹرولیم نے جاری کردہ اعلامیے میں بتایا کہ ابتدائی تخمینے کے مطابق یومیہ 64 لاکھ مکعب فٹ تک گیس حاصل ہوگی، گیس دریافت کیلیے 2516 میٹر تک کنویں کی کھدائی کی گئی۔
اعلامیے میں کہا گیا کہ گیس کے حصول سے متعلق ڈیٹاویل کے 4 مختلف زونز کے مجموعہ پر مشتمل ہے، اس علاقے میں تیل و گیس کی تلاش کی سرگرمیاں 1991 سے رکی ہوئی تھیں۔
اس میں کہا گیا کہ ماڑی پٹرولیم اس علاقے میں ایکسپلوریشن سرگرمیوں کو مزید فروغ دے گی۔
گزشتہ ماہ سندھ میں گیس کا ایک ذخیرہ دریافت کیا گیا تھا جس سے یومیہ 6.57 ملین اسٹینڈرڈ کیوبک فٹ گیس ملے گی۔ ماڑی پیٹرولیم نے غازیج کے مقام پر دوسری جگہ ایک ہزار چودہ میٹر تک کی گہرائی کھدائی کی تھی جس کے بعد یومیہ چھ اعشاریہ پانچ سات ملین اسٹینڈرڈکیوبک فٹ گیس ملے گی۔
غازیج فارمیشن ٹو میں گیس کا پریشر تین سو چھ پاؤنڈ فی اسکوائر انچ بتایا جا رہا تھا۔ ماڑی پٰٹرولیم کے اس علاقے میں 100 فیصد ورکنگ شیئرز ہیں۔
