کراچی : سوئی سدرن گیس کمپنی کے ترجمان نے کہا ہے کہ تعمیراتی کاموں کے باعث کچھ علاقوں میں گیس کی فراہمی آج معطل رہے گی۔
اس حوالے سے ترجمان سوئی سدرن گیس کمپنی کا کہنا تھا کہ صفورا چورنگی کے قریب بی آرٹی کے روٹ پر گیس پائپ لائن کی منتقلی کا کام کیا جائے گا، جس کے باعث صفورا چورنگی کے اطراف آج رات گیس کی فراہمی منقطع رہےگی۔
ترجمان سوئی سدرن گیس کمپنی کے مطابق کراچی کے علاقوں میں بی آر ٹی پروجیکٹ کی تعمیر اور گیس لائنوں کی تبدیلی آج رات جاری رہے گی۔
ترجمان کے مطابق گلستان جوہر بلاک3،2،1اور7میں صبح 7بجے تک گیس معطل رہے گی، جبکہ صفورا چورنگی اور اطراف میں بھی صبح7بجے تک گیس معطل رہے گی۔
خیال رہے کہ ایس ایس جی سی سسٹم میں گیس کی کمی سے شہر میں گیس بحران شدت اختیارکر گیا ہے، شہری لکڑی کے چولہوں پر کھانا پکانے پر مجبور ہے۔
کراچی کے مختلف علاقوں میں اچانک گیس غائب ہوجاتی ہے، جس سے گیس بحران شدت اختیارکر گیا ہے اور گھروں میں خواتین کو کافی مشکالات کا سامنا ہے۔
مزید پڑھیں : گیس صارفین قیمتوں میں اضافے کے لئے تیار رہیں!
یاد رہے کہ سوئی ناردرن کی جانب سے آئندہ مالی سال کے لیے گیس کی قیمتوں میں اضافہ طلب کیا گیا، سوئی ناردرن نے گیس قیمت میں اسطا 735روپے59پیسے فی ایم ایم بی ٹی یو اضافے کی درخواست کردی۔
سوئی کی گیس نے اوسط قیمت میں207روپے فی ایم ایم بی ٹی یو اضافے کی درخواست کی ہے، سوئی سدرن نے سابقہ شارٹ فال سمیت گیس قیمت میں 2443 روپے فی ایم ایم بی ٹی یو اضافہ مانگا ہے۔
