بالی ووڈ کی معروف اداکارہ گوہر خان اور زید دربار نے بیٹے کی پہلی جھلک مداحوں کو دکھا دی۔
بھارتی میڈیا رپورٹس کے مطابق 10 مئی کو اداکارہ گوہر خان اور زید دربار کے ہاں بیٹے کی پیدائش ہوئی تھی جس کے ایک ماہ بعد اداکارہ نے بیٹے کی پہلی تصویر اور نام سے مداحوں کو آگاہ کیا ہے۔
گوہر خان نے شوہر زید دربار کے ہمراہ بیٹے کو اٹھائے تصاویر اپنے آفیشل انسٹاگرام اکاؤنٹ سے شیئر کی ہیں۔
- Advertisement -
اداکارہ نے بتایا کہ بیٹے کا نام ذیہان رکھا ہے، آپ کے پیار اور نیک تمناؤں کے اظہار پر مشکور ہوں۔ انہوں نے بیٹے سے متعلق پرائیویسی رکھنے کی بھی اپیل کی۔
گوہر خان کے مداحوں کی جانب سے ان کے بیٹے کی تصویر کو خوب سراہا جارہا ہے۔
واضح رے کہ اداکارہ و ماڈل گوہر خان نے 25 دسمبر 2020 کو میوزک کمپوزر اسماعیل دربار کے بیٹے زید دربار سے ممبئی میں شادی کی تھی۔