پالی کیلے: بھارت کے سابق کرکٹر گوتم گمبھیر کی ایک ویڈیو سوشل میڈیا پلیٹ فارم ایکس پر خاصی وائرل ہے جس پر اب گمبھیر نے جھوٹی وضاحت پیش کی ہے۔
پیر کے روز کے سابق کرکٹر گوتم گمبھیر کی ایک ویڈیو سامنے آئی جس میں وہ اسٹیڈیم سے باہر جاتے ہوئے تماشائیوں کو نعرے لگانے پر نازیبا اشارہ کرتے ہیں۔
ایکس پر متعدد ویڈیوز وائرل ہیں جن میں گمبھیر کے پیچھے مختلف نعرے لگائے جارہے ہیں، کچھ بھارتی صارفین نے دعویٰ کیا کہ تماشائیوں نے گوتم کو دیکھ کر ‘کوہلی کوہلی’ کے نعرے لگائے تھے جس پر گمبھیر کو غصہ آیا اور انہوں نے یہ نازیبا حرکت کی۔
#WATCH | Kandy, Sri Lanka | On his recent viral video during Asia Cup 2023, former cricketer and BJP MP Gautam Gambhir says, "What is shown on social media has no truth in it because people show whatever they want to show. The truth about the video that went viral is that if you… pic.twitter.com/RX4MJVhmyd
— ANI (@ANI) September 4, 2023
دوسری جانب اس ویڈیو سے متعلق دیگر صارفین کا کہنا ہے کہ کوہلی کوہلی کے نعروں والی آواز کو ایڈٹ کیا گیا ہے، گمبھیر نے بھارت کے خلاف نعرے بازی کرنے والے پاکستانی شائقین کو یہ اشارہ کیا۔
Here Is REAL Video #GautamGambhir pic.twitter.com/klgDE2rsMi
— Narendra Modi fan (@narendramodi177) September 4, 2023
میڈیا سے گفتگو کے دوران جب صحافی نے سابق کرکٹر سے اس وائرل ویڈیو سے متعلق سوال کیا تو گوتم نے کہا سب سے پہلی بات تو یہ کہ سوشل میڈیا پر جو بھی دکھایا جاتا ہے وہ سب سچ نہیں ہوتا، لوگوں کا جو دل کرتا ہے چلاتے ہیں۔
گوتم گمبھیر نے پاکستانی تماشائیوں پر الزام عائد کرتے ہوئے کہا جو ویڈیو وائرل ہوئی اس کی سب سے بڑی سچائی یہ ہے کہ اگر آپ بھارت کے خلاف نعرے لگائیں گے، اگر آپ یہ کہیں گے کہ ہندوستان مردہ باد یا آپ کشمیر کے بارے میں بات کریں گے تو بندہ کوئی نہ کوئی ردعمل تو دے گا یا پھر بندہ ہنس کے چلا جائے گا۔
کوہلی کی تعریف میں نعرے، گوتم گمبھیر کا پاکستانی فینز کو نازیبا اشارہ
سابق کرکٹر نے دعویٰ کیا کہ کراؤڈ میں کچھ پاکستانی لوگ تھے جو بھارت کے خلاف چیزیں بول رہے تھے، اسی لیے میں نے یہ کیا۔
کرکٹر کے اس بیان کے بعد سوشل میڈیا ان دعووں سے بھر گیا کہ یہ اس واقعے کی حقیقی ویڈیو نہیں ہے جس کی گوتم گمبھیر بات کررہے ہیں جبکہ یہ ایک پرانی ویڈیو کی وائس ہے جسے اس ویڈیو میں سیٹ کیا گیا ہے۔
اصل ویڈیو
فیکٹ چیک کے مطابق میچ کے دوران کسی بھی موقع پر کوئی ’’بھارت مخالف‘‘ نعرے نہیں لگائے گئے، یہ شواہد یقینی طور پر گمبھیر کے اس دعوے کی تائید نہیں کرتے ہیں کہ ان کے نازیبا اشارہ عوام کے اس طرح کے نعروں کا ردعمل تھا۔
فیکٹ چیک کے مطابق ’’بھارت مخالف‘‘ نعرہ درحقیقت ایک پرانے ویڈیو کی وائس ہے جسے ہٹا کر گمبھیر کے ویڈیو پر لگا دیا گیا ہے۔
My cousins who were there at the pallekelle stadium during the last rain effected India vs Pakistan match was sitting at the same place where a sri lankan fan supporting India filmed the Gautam Ghambir’s viral video says the were no anti indian slogans sang. All what happened… pic.twitter.com/vhZOMEJ3PU
— Nibraz Ramzan (@nibraz88cricket) September 5, 2023
یہاں قابل ذکر بات یہ ہے کہ سری لنکا کے ایک اسپورٹس جرنلسٹ نیبراز رمضان نے ’بھارت مخالف‘ نعروں کے دعوؤں کی تردید کی، انہوں نے ٹوئٹ میں کہا کہ ان کے کزن جو وہاں بیٹھے ہوئے تھے انہوں نے صرف ’’کوہلی کوہلی‘‘ کے نعرے سنے۔
ان دعوؤں سے یہ ثابت ہوتا ہے کہ گوتم گمبھیر پھر سے جھوٹے ثابت ہوگئے، ان کی پاکستان اور مسلمانوں سے نفرت کھل کر سامنے آئی ہے، اس سے قبل بھی پاک بھارت میچ کے موقع پر گوتم گمبھیر نے ویرات کوہلی کی پاکستانی کھلاڑیوں کے ساتھ دوستانہ اور خوشگوار ماحول میں بات چیت پر سخت ناپسندیدگی کا اظہار کیا تھا۔
