غزہ: اسرائیلی فوج نے غزہ میں ایک اسکول پر وحشیانہ بمباری کرتے ہوئے 100 سے زائد فلسطینیوں کو شہید کر دیا۔
الجزیرہ عربی کی رپورٹ کے مطابق غزہ شہر کے علاقے الدرج میں التبین اسکول پر اسرائیلی حملے کے نتیجے میں 100 سے زائد فلسطینی شہید ہو گئے ہیں۔
صہیونی فورسز نے حملہ صبح فجر کے وقت کیا، جب لوگ نماز پڑھ رہے تھے، بمباری کے باعث اسکول کے مختلف حصوں میں آگ لگ گئی، رپورٹس کے مطابق اسکول میں بے گھر افراد نے پناہ لے رکھی تھی۔
ایران نے بحری بیڑے میں ہزاروں جدید کروز میزائل نصب کر دیے
دیر البلح سے الجزیرہ کے رپورٹر نے بتایا کہ اس حملے ویڈیو سے واضح ہو جاتا ہے کہ لوگ نماز پڑھ رہے تھے، اور یہ ایک جان بوجھ کر کیا گیا حملہ تھا، نہ صرف عام شہریوں کے خلاف بلکہ مذہبی حقوق کی بھی خلاف ورزی تھی، اس سے یہ اشارہ ملتا ہے کہ ایسی کوئی چیز نہیں ہے جو اسرائیلی فوج کو اپنے حملے جاری رکھنے سے روک سکے۔
استشهاد 4 أشخاص بينهم 3 أطفال بغارة إسرائيلية استهدف خيمة غرب مدينة دير البلح#الأخبار#حرب_غزة pic.twitter.com/bYgyI8FQ5j
— الجزيرة فلسطين (@AJA_Palestine) August 10, 2024
دوسری طرف طبی ذرائع نے الجزیرہ عربی کو بتایا کہ غزہ کی پٹی پر بھی متعدد تباہ کن حملے کیے گئے ہیں، جس میں کم از کم 35 فلسطینی شہید ہوئے، جن میں خان یونس میں 19 شہید شامل ہیں۔ شمالی غزہ کے علاقے جبالیہ میں ابو خلیفہ خاندان کے گھر پر اسرائیلی لڑاکا طیاروں کی بمباری کے نتیجے میں کم از کم 6 فلسطینی شہید اور 15 زخمی ہوئے۔
وسطی غزہ میں دیر البلح کے مشرق میں المزرعہ اسکول کے قریب ایک خیمے پر اسرائیلی فوج کی بمباری میں 3 بچوں سمیت 4 فلسطینی شہید ہوئے۔ وسطی غزہ میں نصیرات پناہ گزین کیمپ میں حمدا خاندان کے گھر پر اسرائیلی حملے کے نتیجے میں کم از کم 4 فلسطینی شہید ہوئے۔
