گلگت: گلگت بلتستان اے 13 استور حلقہ 1 کے ضمنی الیکشن کو کالعدم قرار دیتے ہوئے حلقے میں دوبارہ الیکشن کا شیڈول جاری کرنے کا فیصلہ کرلیا گیا۔
تفصیلات کے مطابق گلگت بلتستان اے 13 استور حلقہ 1 ضمنی الیکشن کیس کا فیصلہ سنادیا گیا، چیف الیکشن کمشنر نے ضمنی الیکشن کالعدم قرار دے دیا۔
چیف الیکشن کمشنر نے فیصلے میں کہا کہ ن لیگ اور پی ٹی آئی امیدواران الیکشن ایکٹ کی خلاف ورزی کے مرتکب ٹھہرے، حلقے میں دوبارہ الیکشن کا شیڈول جاری کیا جائے گا۔
یاد رہے پی ٹی آئی امیدوار خورشید خان 6219 ووٹ لے کر کامیاب ہوئے، ن لیگ کے رانا فرمان علی 5225 ووٹوں کے ساتھ دوسرے نمبر پر رہے۔
خیال رہے گلگت بلتستان اسمبلی کا ایوان 24 جنرل نشستوں پر مشتمل ہے، اسمبلی خواتین کی 6 ، ٹیکنوکریٹس کی 3 نشستوں سمیت مجموعی طور پر 33 ارکان پر مشتمل ہے۔
