The news is by your side.

Advertisement

’سندھ حکومت جان بوجھ کر مخالفین کو کرونا میں مبتلا قرار دے رہی ہے‘

سکھر: مسلم لیگ فنکشنل اور حر  قبیلے کے روحانی پیشوا پیر پگارا کے صاحبزادے اور رکن اسمبلی راشد شاہ راشدی نے سندھ حکومت پر الزام عائد کیا ہے کہ وہ جان بوجھ کر مخالفین کو کرونا میں مبتلا قرار دے رہی ہے۔

اے آر وائی نیوز کی رپورٹ کے مطابق رکن سندھ اسمبلی راشد شاہ راشدی نے صوبائی حکومت پر عدم اعتماد کا اظہار کرتے ہوئے اسے فوری برطرف کرنے کا مطالبہ کیا گیا جس کی خبر اے آر وائی نیوز نے نشر کی۔

اےآروائی نیوز پر خبر نشر ہونے کے بعد سندھ حکومت نے راشد شاہ راشدی سے رابطہ  کیا اور وزیر اعلیٰ سندھ نے خصوصی میڈیکل ٹیم سکھر بھیجنے کا اعلان کیا۔

مزید پڑھیں: پیرجوگوٹھ میں کیے گئےکورونا ٹیسٹ جعلی نکلے، ترجمان جی ڈی اے

پیر پگارا کے صاحبزادے نے ردعمل دیتے ہوئے کہا کہ سندھ حکومت کی میڈیکل ٹیم پر بھروسہ نہیں ہے کیونکہ صوبائی حکومت جان بوجھ کر اعداد و شمار میں اضافہ کر کے سیاست کررہی ہے۔

انہوں نے مطالبہ کیا کہ وفاقی حکومت اپنی میڈیکل ٹیم سکھر بھیجے، پیرجوگوٹھ میں کرونا کا ٹیسٹ کرائیں گے کیونکہ سندھ حکومت جان بوجھ کر اپنے مخالفین کوکرونا میں مبتلا قرار دے رہی ہے۔

رکن اسمبلی کا کہنا تھا کہ میرےٹیسٹ سےاصل حقائق منظرعام پر آگئے ہیں، سندھ میں کرونا کا زیادہ خوف پیدا کر کے پیدا گیری کی جا رہی ہے۔ انہوں نے مطالبہ کیا کہ سندھ ہائی کورٹ کی نگرانی میں کمیشن قائم کیا جائے تاکہ حقائق سامنے آجائیں۔

fb-share-icon0
Tweet 20

Comments

comments

یہ بھی پڑھیں