The news is by your side.

Advertisement

جنرل ندیم رضا کا ایچ آئی ٹی ٹیکسلا کا دورہ

راولپنڈی: چیئرمین جوائنٹ چیفس آف اسٹاف جنرل ندیم رضا کا کہنا ہے کہ علاقائی، عالمی اسٹریٹجک وسیکیورٹی صورتحال میں ٹیکنالوجی میں جدت ضروری ہے، ریسرچ اورڈویلپمنٹ میں شراکت داری سےخود انحصاری ممکن ہوسکتی ہے۔

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق جنرل ندیم رضا نے(ہیوی انڈسٹریزٹیکسلا) ایچ آئی ٹی کی گولڈن جوبلی کی تقریب میں شرکت کی۔

آئی ایس پی آر کے مطابق اس موقع پر چیف آف جنرل اسٹاف لیفٹیننٹ جنرل ساحر شمشاد مرزا اور اعلیٰ فوجی حکام و ریٹائرڈ فوجی افسران سمیت یوکرائن کے سفیر اور چینی ڈیفنس اتاشی بھی شریک ہوئے۔

آئی ایس پی آر کے مطابق چئیرمین ایچ آئی ٹی میجر جنرل سید عامر رضا نے ادارے کی کامیابیوں اور کارکردگی پر روشنی ڈالی، جنرل ندیم رضانے ایچ آئی ٹی اوردیگرکمپنیوں کی کامیابیوں کی تعریف کی۔اس موقع پر جنرل ندیم رضا نے کہا کہ ایچ آئی ٹی افسران،ہنر مند افرادی قوت دفاعی پیداوار شعبےمیں محنت کررہی ہے، علاقائی،عالمی اسٹریٹجک وسیکیورٹی صورتحال میں ٹیکنالوجی میں جدت ضروری ہے، ریسرچ اور ڈویلپمنٹ میں شراکت داری سےخود انحصاری ممکن ہوسکتی ہے۔

جنرل ندیم رضا نےآرمی کی سیکنڈ رجمنٹ کےکمانڈنگ آفیسر کو الخالدون ٹینک کا اسکرول دیا، تقریب کے دوران یوکرین،چین،ایچ آئی ٹی کی کمپنیوں کےدرمیان ایم اویوپر دستخط بھی کئے گئے۔

واضح رہے کہ ایچ آئی ٹی کی 50ویں سالگرہ پاک چین دوستی کی70ویں سال کےساتھ منائی جارہی ہے۔

Comments

یہ بھی پڑھیں