تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

جرمن حکومت کا تختہ الٹنے کی سازش : درجنوں ملزمان گرفتار

برلن : جرمنی کی سکیورٹی فورسز نے حکومت کا تختہ الٹنے کی سازش کرنے والے درجنوں ملزمان کو گرفتار کرلیا، گرفتار شدگان میں کچھ سابق فوجی بھی شامل ہیں۔

تفصیلات کے مطابق جرمنی میں ہونے والے ملک گیر آپریشن میں 25 افراد کو حکومت کا تختہ الٹنے اور باشاہت قائم کرنے کی سازش کے الزام میں حراست میں لیا گیا ہے۔

غیر ملکی خبر رساں ادارے کی رپورٹ کے مطابق جرمن اٹارنی جنرل کے جاری کردہ بیان میں کہا گیا ہے کہ مشتبہ افراد ایسی دہشتگرد تنظیم کو تشکیل دینے میں ملوث ہیں جس کا مقصد ملکی آئین کو کالعدم کرنا اور 1871 جیسی جرمن شہنشاہوں کی طرز پر حکومت قائم کرنا ہے۔

رپورٹ کے مطابق زیرِ حراست افراد جرمنی کی قومی اسمبلی پر حملے کا منصوبہ بنا رہے تھے جسے مبینہ طور پر روسی افراد کی حمایت بھی حاصل تھی، حراست میں لئے گئے افراد میں کچھ سابق فوجی بھی شامل ہیں۔

مذکورہ ملزمان کو جرمنی کی مختلف ریاستوں میں چھاپہ مار کارروائی کے دوران گرفتار کیا گیا، ملزمان کا تعلق انتہائی دائیں بازو اور سابق فوجی شخصیات کے گروپ سے ہے جنہوں نے پارلیمنٹ پر حملہ کرکے اقتدار پر قبضہ کرنے کی منصوبہ بندی کر رکھی تھی۔

رپورٹ کے مطابق گرفتار شدگان میں 22 افراد کا تعلق جرمنی سے ہے جبکہ دیگر تین افراد میں روسی شہری بھی شامل ہیں۔ اس کے علاوہ آسٹریا اور اٹلی میں بھی دو افراد کو حراست میں لیا گیا ہے۔

Germany detains 25 over plot to overthrow government

جرمن اٹارنی دفتر سے جاری بیان میں کہا گیا ہے کہ مذکورہ سازش میں جرمنی کے شاہی خاندان کے ایک سابق رکن کا ہاتھ ہے، جس کی شناخت جرمنی کے رازداری کے قانون کے تحت ہینرچ کے طور پر کی گئی ہے۔

ہینرک کو مستقبل کی ریاست میں رہنما کے طور پر پیش کیا گیا تھا جبکہ ایک اور مشتبہ شخص روئڈگر وی پی ملٹری ونگ کا سربراہ تھا۔

بیان میں کہا گیا کہ ہینریچ کا تعلق ریوس کے شاہی گھرانے سے ہے اور وہ ”شہزادہ“ کا لقب استعمال کرتا ہے، اس شاہی گھرانے نے مشرقی جرمنی کے کچھ حصوں پر حکمرانی کی تھی۔

دوسری جانب اس حوالے سے روس کے صدارتی ترجمان کریملن نے کہا کہ جرمن ریاست کا تختہ الٹنے کی سازش میں روس کے ملوث ہونے کا سوال ہی پیدا نہیں ہو سکتا، ترجمان دمتری پیسکوف نے کہا کہ یہ جرمنی کا اندرونی مسئلہ ہے۔

Comments

- Advertisement -