The news is by your side.

Advertisement

معاہدے پر دستخط ، جرمنی پاکستان کو 12.5 ملین یورو فراہم کرے گا

اسلام آباد : پاکستان اور جرمنی کے مابین پن بجلی اور رینیوایبل توانائی فیز 2 پراجیکٹ کے لئے معاہدہ طے پاگیا ، جس کے تحت جرمنی پاکستان کو 12.5 ملین یورو کی مالی معاونت فراہم کرے گا۔

تفصیلات کے مطابق پاکستان اور جرمنی کے درمیان پن بجلی، رینیو ایبل توانائی منصوبے پر مالی اعانت کا معاہدہ طے پاگیا ، معاہدے پر سیکرٹری اقتصادی امور پرویز عباس اور جرمن ڈیویلپمنٹ بینک کے ایف ڈبلیو کے کنٹری ڈائریکٹر ولف گینگ مولرز نے دستخط کئے، مالی اعانت کی قیمت 12.5 ملین یورو ہے۔

وفاقی وزیر برائے اقتصادی امور ڈویژن حماد اظہر بھی اس موقع پر موجود تھے، معاہدے کے تحت کے ایف ڈبلیو حکومت گلگت بلتستان اور آغا خان رورل سپورٹ پروگرام کو گرانٹ فراہم کرے گی، جو منصوبے کے دو پہلوئوں پر خرچ ہوگی، منصوبے میں ایک پن بجلی منصوبہ اور دوسرا بائیو ڈائیورسٹی کا منصوبہ شامل ہے۔

وفاقی وزیر اقتصادی امور حماد اظہر نے اس موقع پر گرانٹ کے لئے جرمن حکومت کے شکریہ ادا کرتے ہوئے کہا کہ یہ پراجیکٹ گرین انرجی فراہم کرے گا اور اس معاہدے کے تحت ہنزہ اور نانگا پربت جیسے علاقوں میں معیار زندگی بلند ہوگا۔

حماد اظہر کا کہنا تھا کہ گلگت بلتستان میں بجلی کی شدید ضروریات پوری کرنے میں بھی مدد ملے گی۔

جرمن ڈیویلپمنٹ بینک کے ایف ڈبلیو کے کنٹری ڈائریکٹر ولف گینگ مولرز نے اظہار خیال کرتے ہوئے کہا کہ جرمن ڈیولپمنٹ بینک گلگت جیسے خوبصورت علاقے میں بجلی کی فراہمی کے پراجیکٹ میں اپنا کردار ادا کرنے پر خوشی کا اظہار کرتا ہے، پاکستان کے شمالی علاقہ جات کو ترقی کی ضرورت ہے، ان علاقوں میں بجلی کے آنے سے کاروبار سیاحت اور تعلیم کے مواقع پیدا ہوں گے۔

Comments

comments

یہ بھی پڑھیں