منہ کے چھالوں سے نجات پائیں -
The news is by your side.

Advertisement

منہ کے چھالوں سے نجات پائیں

منہ کے چھالے نہایت تکلیف پیدا کرنے کا باعث بنتے ہیں جو کچھ بھی کھانا پینا مشکل کر دیتے ہیں۔ گو کہ یہ نہایت تکلیف دہ ہوتے ہیں لیکن عموماً یہ بے ضرر ہوتے ہیں اور ایک سے دو ہفتے کے اندر خود ہی ختم ہوجاتے ہیں۔

سرخ، سفید، یا سرمئی رنگ کے یہ چھالے منہ کے اندر سوجن پیدا کرنے کا بھی سبب بنتے ہیں۔ جب بھی چھالے نکلتے ہیں ان کی تعداد ایک سے زائد ہوتی ہے۔

منہ میں آنے والے چھالے اگر 3 ہفتے سے زائد برقرار رہیں، تھوڑے تھوڑے عرصے بعد نمودار ہوتے ہوں یا بہت زیادہ سرخ ہوجائیں تو یہ تشویشناک بات ہے اور ایسی صورت میں فوری ڈاکٹر سے رجوع کرنے کی ضرورت ہے۔


چھالوں کی وجہ

منہ کے چھالوں کی بظاہر کوئی واضح وجہ تو نہیں ہے۔ تاہم بہت زیادہ مصالحہ دار غذاؤں کا استعمال، منہ کی جلد کا دانتوں تلے آجانا، اناڑی ڈاکٹر کے ہاتھوں کروائی دانتوں کی فلنگ، ہارمون میں ہونے والی تبدیلیاں، مستقل قبض یا ذہنی دباؤ بھی چھالوں کا سبب بنتے ہیں۔

spicy

تمباکو نوشی کے عادی افراد جب سگریٹ چھوڑتے ہیں تو انہیں بھی ابتدا میں ان تکلیف دہ چھالوں کا سامنا ہوتا ہے۔


کینسر کی علامت؟

بعض دفعہ یہ چھالے منہ کے کینسر کی بھی علامت ہوتے ہیں۔ کینسر کے باعث آنے والے چھالے سب سے پہلے زبان کے نیچے نمودار ہوتے ہیں، اس کے بعد پورے منہ میں پھیلنا شروع ہوتے ہیں۔

منہ کے کینسر کا امکان ان افراد میں ہوتا ہے جو سگریٹ نوشی یا الکوحل کے عادی ہوتے ہیں۔ وہ افراد جو سگریٹ نوشی کے ساتھ بیک وقت الکوحل کا استعمال بھی کرتے ہیں ان میں یہ امکان دوگنا ہوتا ہے۔

منہ کے کینسر کی تشخیص اگر ابتدائی مرحلے میں ہوجائے تو اس کا علاج کر کے مکمل صحت یابی حاصل کی جاسکتی ہے۔

اس کے لیے باقاعدگی سے دانتوں کا چیک اپ کروایا جائے۔ ماہر دندان دانتوں یا منہ میں آنے والی معمولی سی تبدیلی سے کینسر کو پکڑ سکتے ہیں۔


چھالوں کی تکلیف کم کرنے کے طریقے

ویسے تو یہ چھالے خود ہی ختم ہوجاتے ہیں تاہم ان کی تکلیف ختم یا کم کرنے کے لیے مختلف طریقے استعمال کیے جاسکتے ہیں۔

چھالوں کے وقت کسی اچھے ماہر دندان کا تجویز کردہ ٹوتھ پیسٹ استعمال کریں۔

mouth-3

ایسا ٹوتھ پیسٹ استعمال کریں جس میں سوڈیم سلفیٹ نہ ہو۔

مزید پڑھیں: ٹوتھ پیسٹ کے یہ کلر کوڈ کیا بتاتے ہیں؟

دانتوں کو برش کرنے کے لیے نرم ٹوتھ برش استعمال کریں۔

جن دنوں آپ کے منہ میں چھالے ہوں ان دونوں میں سخت، مصالحے دار، بہت زیادہ نمکین غذائیں یا بہت زیادہ گرم کھانا یا چائے وغیرہ پینے سے گریز کریں۔

ٹھنڈے مشروبات پینے کے لیے اسٹرا کا استعمال کریں۔

mouth-2

ماؤتھ واش کا استعمال کریں تاکہ وہ بیکٹریا کو ختم کر کے چھالوں کو مندمل ہونے میں مدد دے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں