مغربی افریقی ملک گھانا کے ایک شہری سلیمانہ عبدالصمد کو دنیا کا سب سے لمبا آدمی سمجھا جا رہا ہے۔
شمالی گھانا کے ایک مقامی اسپتال نے اپنے ایک حالیہ چیک اپ کے دوران 29 سالہ سلیمانہ عبدالصمد کو بتایا کہ ان کا قد 9 فٹ 6 انچ (2.89 میٹر) کی اونچائی تک پہنچ چکا ہے۔
تاحال گنیز بک آف ورلڈ ریکارڈز نے اس کی تصدیق نہیں کی ہے، اور دیہی اسپتال میں قد درست طور سے ناپنے کے صحیح اوزار بھی دستیاب نہیں۔
بی بی سی کے مطابق سلیمانہ عبدالصمد کا قد 7 فٹ 4 انچ ہے اور وہ ترکی میں رہنے والے سلطان کوسین سے بمشکل 1 فٹ چھوٹا ہے، جو گنیز ورلڈ ریکارڈ میں زندہ سب سے لمبے آدمی کا اعزاز اپنے نام کر چکا ہے۔
ابتدائی طور پر، شمالی گھانا کے ایک مقامی اسپتال نے کہا کہ سلیمانہ کا قد 9 فٹ 6 انچ کی اونچائی تک پہنچ چکا ہے، لیکن بعد میں پتا چلا کہ دیہی کلینک میں پیمائش کرنے کے صحیح اوزار نہیں تھے۔
سلیمانہ عرف آؤچے کے بارے میں کہا جا رہا ہے کہ وہ ایک ایسی بیماری کا شکار ہیں جسے gigantism کہتے ہیں، اس میں جسمانی اعضا یا قد تیزی سے غیر معمولی طور پر بڑھتا ہے۔
جب بی بی سی کے ایک صحافی نے وہاں جا کر آؤچے کا قد ناپنے کے لیے 16 فٹ کا ٹیپ استعمال کیا تو معلوم ہوا کہ ان کا قد 7 فٹ 4 انچ ہے۔
آؤچے اور ڈاکٹروں کا کہنا ہے ان کا قد اب بھی بڑھتا جا رہا ہے، اور ان کے پاس علاج کے وسائل بھی دستیاب نہیں ہیں۔
