بھارتی خاتون کھڑکی کی صفائی کےلیے بلندبالا عمارت سے باہر لٹک گئی، چند سیکنڈ کی ویڈیو نے ٹوئٹر پر دھوم مچا دی۔
گھر کی صفائی ستھرائی صحت زندگی کیلئے انتہائی ضروری ہے مگر گھر کی صفائی کیلئے جان کا خطرہ مول لینا بے وقوفی لیتا ہے مگر کچھ لوگ ایسے بھی ہوتے ہیں جو صفائی کیلئے جان کی بازی لگا دیتے ہیں۔
ایسی ہی ایک خاتون کی ویڈیو بھارتی شہر غازی آباد سے سامنے آئی ہے جو رہائشی عمارت کی چوتھی منزل پر مقیم اور اپنے گھر کی کھڑکی صاف کرنے کےلیے بغیر کسی حفاظتی اقدام چوتھی منزل سے باہر لٹک کر کھڑکی صاف کررہی ہے۔
ٹوئٹر پر وائرل ہونے والی 14 سیکنڈ کی ویڈیو نے صارفین کے اوسان خطا کردئیے۔
She is a woman…can do anything..
A woman was seen hanging on to the railing of the fourth floor and cleaning the window. #Ghaziabad,#UttarPradesh.#LadkiHoonLadSaktiHoon
(मैं एक लड़की हूं, मैं लड़ सकती हूं) 👇👇 pic.twitter.com/NJNlDX7njv— Mitesh Bambhaniya (@IamMitesh86) February 21, 2022
انٹرنیٹ صارفین کی جانب سے خاتون کو شدید تنقید کا نشانہ بنایا جارہا ہے، ایک صارف کا کہنا ہے کہ کھڑکی کی صفائی جان سے زیادہ اہم نہیں ہے، کسی آلے کا استعمال کرکے بھی صفائی کی جاسکتی ہے، امید ہے یہ خاتون خیریت سے ہوں گی اور آئندہ ایسا خطرناک قدم نہیں اٹھائیں گی۔
خیال رہے کہ ایسی ہی ایک ویڈیو فریدآباد سے وائرل ہوئی تھی جس میں ایک شخص کو رہائشی عمارت کی 12 ویں منزل کی بالکونی سے لٹک کر ورزش کرتے دیکھا گیا تھا۔
