پولیس نے گھوٹکی میں ڈاکوؤں کے حملے کے بعد اغوا ہونے والے 2 پولیس اہلکاروں کو سرکاری اسلحہ سمیت بازیاب کرا لیا۔
تفصیلات کے مطابق گزشتہ روز گھوٹکی میں مسلح ڈاکوؤں نے پولیس چوکی پر حملہ کیا، فائرنگ کے تبادلے کے بعد ایک ڈاکو مارا گیا جبکہ ایک پولیس اہلکاربھی شہید ہوگیا، ڈاکوؤں نے کچے کے علاقے میں 2 پولیس اہلکاروں کو اسلحہ سمیت اغوا کرلیا تھا۔
مزید پڑھیں: گھوٹکی: ڈاکوؤں کا پولیس چوکی پر حملہ، ایک اہلکار جاں بحق، 2 اغوا
- Advertisement -
تاہم پولیس نے جوابی آپریشن کرتے ہوئے گھوٹکی میں ڈاکوؤں کے حملے کے بعد اغوا ہونے والے 2 پولیس اہلکاروں کو اسلحہ سمیت بازیاب کرا لیا، پولیس نے ڈاکوؤں کا محاصرہ کرکے اہلکار بازیاب کرائے۔
وزیر داخلہ سندھ نے پولیس ٹیم کو شاباش دیتے ہوئے کہا کچے کے علاقے میں ڈاکوؤں کے خلاف ٹارگٹڈ آپریشن جاری رکھا جائے۔
